Read Kilivila YOBI 26 Bible Online

YOBI 26 - Kilivila bible

YOBI 26

¹Mwa, ammakawala yoku mwada agu topilasi? Wo! Ka, yeigu saina tobubeikam deli tomama!

³Yoku m bigatona saina duwosisia, kadai, deli kutugwali m kwabitam yeigu tonagowa wala balilagi.

⁴Availa kudoki bilagi komwaidona m bigatona? Availa eiulisalaim kidamwa bukulilivala makawala?

⁵[14]Tomata itatatuvasi okasi laka olumoulela sopi osikowala pwaipwaia.

⁶Tuma ikapogegaki wala gawata baisa Yaubada gala avai vavagi bitabodi Tuma metoya baisa Yaubada la gigisa.

⁷Yaubada ikatuvakai labuma opiliyavata, e valu watanawa isaili wala ibubeu.

⁸Yaubada wala matauna ivakasau lowalowa sopi e ikikuloti mapilasina taga omokaisi wala bilupabu kuna.

⁹Avai tuta tubukona biyapila matauna itabodi minana metoya pilatala lowalowa.

¹⁰Matauna itavilevi lumalama ituwoli, dudubila ituwoli metoya kwaitala vavagi kwaibobuta eigini odabala bolita.

¹¹Avai tuta biyagi kokolela labuma, makaisina itatuvasi deli kasi kokola.

¹²Metoya ola peula matauna ikimati bolita la paisaga; e metoya ola kabitam matauna ikatumati minana dokanikani yagala Reyabi.

¹³Yaubada ola yagisa iuvigaki gawata immigileu, e metoya oyamala ikatumati dokanikani minana nasisakaula.

¹⁴Mitaga baisa eiuvagi yalela wala la peula, pewolela makawala kasilam bitalilagi. Availa ibodi binikoli mokwita ammakawala Yaubada topeuligaga mokwitatoula!