Read Kilivila YOBI 27 Bible Online

YOBI 27 - Kilivila bible

YOBI 27

¹Akatotila oyagala Yaubada matauna goli Topeuligaga deli Tosivagasi. Matauna eipakaigu e gala wala baboda agu yakala, deli ivigaki ulo momova saina mmayuyugaga.

³Ogodigu leima baisa tuta Yaubada leisakaigu ulo momova,

⁴gala avai tuta balivali bigatala bigigaga, deli mayegu gala avai tuta bisopa.

⁵Gala avai tuta bakamitulaimi yokomi tokamokwita. Yeigu bakamitulaigu tobwaila wala tatoula kaligagu bakaliga.

⁶Gala avai tuta bakapatu, balilivali wala ulo mitukwaibwaila, paila nanogu mimilakatila wala.

⁷Ibodi availa availa matausina eikagagaigusi bibodasi mipuki makawala tomitugaga, deli bubunesi gaga.

⁸Avaka ibodi matausina gala inikolaisi Yaubada bipikwakwaisi tuta matutona Yaubada bikau si momova?

⁹Avai tuta mwau bikaloubusi baisa matausina, ki ibodi Yaubada bilagi si nigada?

¹⁰Ibodi biyosisi mwasawa makwaina, matauna isisaiki tomota. Ibodi matausina biyosalausi nigada baisa matauna.

¹¹Kaina bukutagwalasi bavitulokaimi Yaubada la peula kala siniveka, deli bakamitububuli avaka Yaubada Topeuligaga la nanamsa bogwa leinagi.

¹²Mitaga ka, kugisasi - bogwa wala eigisaki mitami titoulemi; e avakaga paila mi bigatona nagowawokuva wala?

¹³[15]Baisa makawala Yaubada Topeuligaga bimipuki tomitugaga, matausina goli togigasisi.

¹⁴Kaina goli litusia tauwau bidubadu, mitaga komwaidosi wala bipatu mitasi okawakali; deli litusia bikamkwamsi mitaga gala wala bitubotubwa luposi.

¹⁵Availa matausina kesala tommomova lelia wala bikimati, e si kukova goli gala wala binigibubwaisi matausina.

¹⁶Kaina goli tomitugaga si mani saina bidugaga e gala gagabila bitakalau, deli kasi karekwa saina wala bidugaga; ikalisau avaka bibodi taitala bisikam

¹⁷mitaga ka, taitala tobwaila igau bisikam miyasina e taitala tokamokwita bikau si mani.

¹⁸Tomitugaga si bwala makawala kapali kala bwala. Kaina kala gigisa makawala ula la buliyamata wa bagula.

¹⁹Otutala kala vigimkovila, matausina bimasisisi bikanugolaisi wala deli veiguwa, mitaga avai tuta bimamatasi bimokaiasi si veiguwa bitamwauki wala kala pikowau.

²⁰Kabovitukokola biyokupati matausina makawala sakala e bibogi yagila biuu biyuvisau matausina;

²¹bomatu bikoulusa biyuvisau matausina; metoya osi bwala,

²²tutala bivigikonaisi mwada bisikauligilaisi makwaina, mitaga yagila saina minimani bikipini matausina.

²³Avai tuta bisisakaulasi, yagila makwaina biuu, e butula wala bibulukukoliga matausina, makwaina biutuutu wala biluvalova.