Read Kilivila YOBI 3 Bible Online

YOBI 3 - Kilivila bible

YOBI 3

¹Kala vigimkovila Yobi ikawota deli ikagagi yamla la kaloubusi.

²Mwa Yaubada! Kukwagagi yam makwaina lakaloubusi, e kukwagagi bogi makwaina inagu leisuma!

⁴Kukivili yam makwaina bidudubila. Mwa Yaubada! Taga tuvaila kululuwai yam makwaina. Taga tuvaila kutagwala lumalama bitapi makwaina.

⁵Kuvagi makwaina yam kwaigugugu deli kulududubila. Kuvakanunuvi deli lowalowa, deli kukwatupwani kalasia.

⁶Kukwau bogi makwaina kuligaiwa, deli gala bukutagwala bikalaugolaisi olopola taitu.

⁷Kuvigaki bogi makwaina gala valulu, gala mwasawa.

⁸Kuvigaki tomigameguva bibulotaisi yam makwaina, matausina goli inikolaisi ammakawala bikadousi Dokanikani.[8]

⁹Taga kutagwala Kubwanayam biyuwoula bogi makwaina. Ibodi bogi makwaina gala bipikwaku paila visiga.

¹⁰Kukwagagi bogi makwaina paila itugwalaigu lakaloubusi, e paila iligaimwaigu okaboyogagi deli mmayuyu.

¹¹Wooi, desila bakaliga olopola inagu, kaina bakaliga tutala lakaloubusi.

¹²Avaka paila inagu eikopwaigu? Avaka paila eivinunaigu?

¹³Kidamwa bakaligabogwa, bogwa lauvaiwasi baisa tuta,

¹⁴e amasisi makawala gweguya deli tokwaraiwaga matausina ikaliivauwaisi ligisa kwaibubogwa.

¹⁵E iboda bamasisi makawala gweguya litusia, matausina bogwa eivakasauwaisi si bwala toyo goula deli siliba,

¹⁶kaina bamasisi makawala gwadi gudimata.

¹⁷Olumoulela laka[9] tomitugaga bisaimwaisi si mitugaga, deli topaisewa tosomata bibanaisi vaiwasi.

¹⁸Makawala goli tokatupipi biluva uwosi metoya tokwaraiwaga si katilaka deli si katugasisi.

¹⁹Taitala taitala isisu baisa, matausina isim bulogasi deli matausina gala bulogasi. Tuvaila matausina ula ibanaisi taneku.

²⁰Avaka paila kutugwali tomota eisisuaisi gaga? Avaka paila kusaiki lumalama baisa tomota matausina ninasi mwau?

²¹Itulotulasi paila kaliga, mitaga kaliga gala avai tuta ima. Guguwa komwaidona inagaisi mwada laka ikalisau.

²²Matausina bimwasawasi e bikaimwanasi avai tuta bibodaisi kasi laka.

²³Yaubada ikatupwani avaka bikaloubusi omitasi, deli ivabodi matausina.

²⁴Kaimapula kamkwam yeigu auvalam wala, deli gala igagabila basim kayagigila.

²⁵Avaka avaka akukoli deli anokubukubu, makwaisina goli ikaloubusisi makawala.

²⁶Yeigu gala asibwabwaila, gala vaiwasi, deli agu mwau gala kala vigimkovila.