Read Kilivila YOBI 36 Bible Online

YOBI 36 - Kilivila bible

YOBI 36

¹Mwa, kumanum wala e kunakaigalaigu avaka lalilivali, baisa Yaubada la biga.

³Ka, yeigu ulo nikoli saina beiyaya. E balivali avaka lanikoli, kidamwa bayomitali agu Tobubuli Yaubada la karaiwaga duwosisia goli.

⁴Ulo bigatona komwaidona lalivali gala kwaitala sopa. Ka, omatam taitala isisu deli kubigatonasi matauna tokabitam mokwita, mayeigula goli.

⁵Mokwita Yaubada saina topeula. Matauna gala bikagagi availa, deli vavagi komwaidona ikateta wala.

⁶Matauna gala itagwala tomitugaga bisisuaisi tommomova tuta kaduwonaku, matauna tuta komwaidona deli la karaiwaga duwosisia iiyamati tonamakava.

⁷Matauna ikoli tomitukwaibwaila. Matauna itugwali bikaraiwagasi makawala gweguya, e ivigaki tomota bikamiabaisi matausina gweguya tuta gala biwokuva.

⁸E mitaga kidamwa tilaula biyuwolaisi matausina metoya yuwoyoula eibubulokaisi tanumnumta e bilumkolaisi mmayuyu paila avaka bogwa leivagaisi,

⁹Yaubada iyomitali baisa matausina si mitugaga deli ammakawala ninasi kala kaiveka.

¹⁰Matauna idiku taigasi paila binakaigalaisi la katuloluta e bisivilasi metoya osi mitugaga.

¹¹E kidamwa bikabikuwolaisi Yaubada, e biwotitalaisi matauna, matausina biluva uwosi deli si mwasawa.

¹²Mitaga kidamwa gala, e si kaliga kabotakainowa wala, matausina bisilavaisi si valu tommomova e bisaitaulasi wala wa Tuma.

¹³Availa availa matausina gala inikolaisi Yaubada tuta komwaidona bigibuluwasi wala, e deli goli tutala bibodasi kasi mipuki, matausina gala wala ininigadasi baisa Yaubada paila pilasi.

¹⁴Matausina igau wala totubovau ikaligasi, e si kaliga uulela si momova saina kabommosila.

¹⁵Mitaga Yaubada iyokili tomota mitasi metoya osi kabommayuyu, e iuvigaki kabomwau bimitalala mitasi.

¹⁶Yaubada eivisunupuloiyaim metoya okabomwau, e ivigakaim iluva wowom; deli m kubudoga ivakasau kaula.

¹⁷Mitaga baisa tuta lokuboda kam mipuki avaka bibudoki bukulumkoli.

¹⁸Kuyamata gala availa bisoma lopom metoya avai guguwa mwada biwabwaim, kaina bikau nanom metoya bidubadu veiguwa e bitavili nanom.

¹⁹Paila makwaisina gala wala kwaitala pilasi bisakaimsi avai tuta bukudou paila pilasi; baisa tuta bukuyomadi m peula komwaidona mitaga gala bukubani pilasi.

²⁰Gala bukupikwaku paila mwada nani bibogi paila baisa tutala boda komwaidona bitamwausi.

²¹Kuyamata gala bikau nanom mitugaga; paila kam mmayuyu lokulumkoli leimakaiam paila uula baisa bisilibodaim metoya mitugaga.

²²Kululuwai ammakawala Yaubada la peula saina vakaigaga; matauna tovituloki kasi todabala.

²³Gala availa ibodi biluki Yaubada avaka bivagi; kaina bitabinaki matauna bimitugaga.

²⁴Tomota tuta komwaidona iyakawolaisi matauna metoya avaka avaka iuvagaisi; mapaila yoku ibodaim bukuyakawoli matauna.

²⁵Tomota komwaidona bogwa eigisaki mitasi metoya avaka bogwa leivagi; mitaga gala wala availa itapuloki nanola metoya vavagi makwaisina.

²⁶Gala ibodi bitanikolaisi mokwita ammakawala la karaiwaga kala peula, kaina bitakalau kwaivila kala taitu.

²⁷Yaubada titoulela ikau sopila watanawa e ikivila ivigaki kuna.

²⁸Matauna ikibolu kuna metoya olowalowa, paila kasi kuna mina watanawa komwaidona.

²⁹Gala availa inikoli ammakawala lowalowa si kaisakaula, kaina ammakawala pilapala la katubabila wa labuma, baisa goli Yaubada la valu.

³⁰Matauna ivigaki kavikavila bivisigili labuma komwaidona, mitaga bolita tukutakula dudubila wala isisu.

³¹Baisa makawala eivigaki paila eikamovi la tomota; e isisaiki kʹasi saina migamaga.

³²Matauna ikikuloti kavikavila oyamala, e oluvi ikaraiwogi bikavila paila kabotuvitusila makwaina.

³³Pilapala biwai baisa kabotuvitusila yagila bikoulusa e makawala goli bulumakau bogwa wala binikolibogwi makateki bikoulusa.