Read Kilivila YOBI 4 Bible Online

YOBI 4 - Kilivila bible

YOBI 4

¹Mwa! Yobi, ki - kudokiga bukugibuluwa kidamwa balivala? Ka, yeigu gala wala ibodi bakapatu tuvaila.

³Paila yoku bogwa lokuvituloki bidubadu tomota, deli kukwatupewoli tomamama.

⁴E avai tuta taitala bimama kaina bisomata, matauna bisilubeibeu, mitaga m biga wala bikatupewoli matauna bitokaia.

⁵E baisa tuta yoku lokuboda mwau. Lokulumkoli mmayuyu e gala gagabila avaka bukuvagi.

⁶Yoku kutitapwaroru baisa Yaubada, e gala wala isim pikolela wowom. Mapaila ibodaim bukutotu peula deli m pikwaku

⁷Kunanamsa - ki, gagabila bukulukwaigu avai tuta taitala tomitukwaibwaila isilagi?

⁸Yeigu bogwa lagisi tomota isupusopusi bigulela mitugaga, e isisapwaisi bubunela gaga mwada kasi yagogu. Ka, baisa tuta eititaiyauwaisi bubunela gaga deli mitugaga.

⁹Mapaila makawala utuyagila la paisewa, Yaubada ikatumati matausina metoya ola gibuluwa.

¹⁰Tomitugaga iguguvavilasi deli igutogotasi makawala laiyoni, mitaga Yaubada ikatuminum matausina e ikouwoli kudusi.

¹¹Matausina makawala minasina laiyoni kidamwa gala avaka isisu paila bikatumataisi e bikomasi. Makawala wala matausina bogwa ikaligasi e komwaidosi litusia iwaki neuya.

¹²Tuta kwaitala biga imakaiagu kwaimanum, e saina manum la biga, gala ibodi baligimlili.

¹³Makawala wala mimigaga bogwa iyobosi ulo masisi.

¹⁴Asibalutuva deli ulo tatuva, e wowogu tomwaidogu wala itatatuva deli kokola.

¹⁵E suwonumla myala imyi migigu, deli wowogu itulukwaidudu deli agu kokola.

¹⁶E bogwa agisi kwaitala vavagi itotu baisa. Amituuvili makwaina, mitaga gala wala avaka avitusi avai vavagi. E oluvi anakaigali kaigila luluwala kawala,

¹⁷“Ki, igagabila Yaubada bigisi avai tau e bidoki matauna tomitukwaibwaila? Kaina Tobubuli bigisi matauna availa eibubuli e bidoki matauna tobwaila goli?

¹⁸Yaubada gala wala idubumi la touwata mina labuma.[10] Matauna tuvaila ibani sula metoya baisa anelosi goli!

¹⁹Ki, kudoki Yaubada bidubumi matauna availa eibubuli metoya omlomwaluva? Matauna ibubuli tomota metoya opwaipwaia wala, e saina gagabila bikatumati, makawala liwoliusa kala kimata.

²⁰Tau taitala kaina bisisu tomomova kaukwau, mitaga igau gala bidudubali matala matauna bikaliga, e gala wala availa binikoli.

²¹Komwaidona la guguwa eiyosi bikauwaisi bilauwaisi, e matauna tolubulobwaga wala bikaliga.”