Read Kilivila YOBI 7 Bible Online

YOBI 7 - Kilivila bible

YOBI 7

¹Momova baisa ovalu watanawa kala mwau makawala kumatoula saina tokasai bikaraiwogi tomota bikatubaiasasi paila kabilia kaina makawala tomota biyomadaisi si tuta komwaidona metoya paisewa saina mwauvagasi

²E momova kaina makawala taitala ula ininainevi kaikonigula mwada bivaiwasi kaina goli makawala taitala topaisewa itulotula wala mwada bikeula mapula la paisewa.

³Yeigu tubukona tubukona gala avai vavagi bwaina babani avai tuta goli. Bogi kwaitala kwaitala alumkoli ninamwau wala.

⁴Avai tuta bakenu mwada bamasisi, agu lumkola bogi saina kwaiwonaku biyam. Bogi komwaidona akanuvivila wala akamamalu nani biyam.

⁵Wowogu ikasewoki mwatemwata. Kanuvinegu nebanebawokuva wala. Agu pwasa ibubusi wala polala.

⁶Ulo tuta komwaidona iukuwokuva gala wala ulo pikwaku, Tuta kala nanakwa iukuwokuva saina nanakwa goli gala gagabila bitakalau.

⁷O ulo Yaubada, kululuwai ulo momova makawala yagisa; e ulo momova kala mwamwasila bogwa eikalituli.

⁸Baisa tuta lokugigisaigu e avai tutaga bakaliga gala wala tuvaila bukugisaigu. Kidamwa bukunevaigu, bogwa goli batamwau.

⁹Makawala wala lowalowa yagila biyuvisau e bilau, taitala tomota avai tuta bikaliga gala goli bikaimilavau e sala availa availa inikolaisi matauna bogwa wala bilumwelavaisi.

¹¹Mwa! Gala wala ibodi bakikwatu! Yeigu bogwa lagibuluwa deli agu leiya. Mapaila ibodi wala balilivala.

¹²Avaka paila tuta komwaidona bukuyausaigu wala? Ki, kudoki yeigu makawala natana maunela bolita minasina dokanikani?

¹³Bakenu mwada bavaiwasi e anainevi ammakawala agu gidageda bimanum.

¹⁴Mitaga yoku wala - e matoulem wala bukuvitukukolaigu metoya wa mimi; yoku kukwatumitilakaigu metoya kilisala deli mimi gaga

¹⁵tatoula wala bivigaki makawala bikaliboda kukugu bakaliga e gala tuvaila basisu makawala agu gigisa saina mwaugaga.

¹⁶Mwa, bogwa eigwegwesi wowogu; deli bogwa eisomitaki wowogu. Taga bukuyogwegwesaigu. Ulo momova gala isim dimlela.

¹⁷Avaka paila tomota kuvigaki saina dimlela? Avaka paila bukugigisaki wala matauna metoya avaka avaka biuvagi?

¹⁸Yoku kuvakawoli wala matauna kaukwau kwaitala kwaitala e kuwakoli wala matauna tuta komwaidona.

¹⁹Ki, gala sitana bukugisilavaigu tatoula wala bakapu duwoyagu?

²⁰Yoku saina togisatobu. Ki, sitana iyomwauwaim paila ulo mitugaga? Deli avaka paila kuvigakaigu m komsilawa? Ki kaina saina ayomwauwaim?

²¹Ki, gala avai tuta bukuligaiwa ulo mitugaga? Kaina bukulumwelavi ulo sula? Ka makateki wala bakaliga, e kidamwa bukunevi paila yeigu, ka, yeigu bogwa batamwaubogwa goli.