Read Kilivila YOBI 8 Bible Online

YOBI 8 - Kilivila bible

YOBI 8

¹Mwa, yoku m bigatona makawala utuyagila. Ammakawala kala kaduwonaku bukulilivali vavagi makwaisina?

³Ka, Yaubada gala avai tuta bikididogi karaiwaga duwosisia; matauna gala avai tuta bilapi paila bivagi avaka duwosisia.

⁴Litumwa kaina leimitugagasi baisa Yaubada, mapaila matauna leimipuki matausina avaka bibudoki si mitugaga.

⁵Mitaga baisa tuta ibodi bukuninavila e bukukwayubabai baisa Yaubada Topeuligaga.

⁶Kidamwa yoku saina tokamokwita deli tomigileu, Yaubada bima bipilasaim deli bisakaivauwaim m kwaisisu paila waisala mitilagim.

⁷Avaka Yaubada bisakaim tuta oluvi saina bidugaga, bikalisau komwaidona m veiguwa avaka lokukitumoubogwi.

⁸Igau sitana kuninamsi avaka tommoyabogwa si kabitam; deli kukwatupoi avaka kala kamokwita tubudoiasi si nikoli.

⁹Yakidasi da momovasi kukupi wala e gala wala avaka itapuloki ninadaisi; da tutasi biukuwokuva makawala kaikobu bititamwau avai tuta kalasia bikuboli.

¹⁰Mitaga ibodi tommoyabogwa matausina toninitalapula bivitulokaimsi; e ibodi bukunakaigali avaka eilivalaisi.

¹¹Kawasi, “Lei gala ibodi bisusinasi ambaisa saina lubulabu; gala avai tuta bitabani oyabala.

¹²Miyasina gala ibodi bitavigaki katuva kidamwa igau yakikekita, kidamwa avai tuta dumia bipakala, miyasina wala bimatabogwasi.

¹³Availa availa matausina gala inikolaisi Yaubada makawala miyasina lei; tuta makwaina bilumwelavaisi Yaubada e si pikwaku bogwa wala leiwokuva.

¹⁴Matausina si dubumi makawala kapali bobosu la bwala.

¹⁵Kidamwa bikanuvatetasi okapali, ki, ibodi kapali makwaina bipeula kaina? Kidamwa bikikolasi yatala miyasina kapali, ki ibodi bipeula e bitomalaulasi?”

¹⁶Tomitugaga bitasusilasi makawala mnumonu bitasusilasi okalasia, makawala mnumonu bikaligiaki wa bagula.

¹⁷Kailawalisi miyasina bilola odakuna, e saina peula bikikola odukutotu kwaitala kwaitala.

¹⁸Mitaga oluvi bikamnumonaisi wala biwokuva - e gala wala availa binikoli makaisina metitokaisila baisa.

¹⁹E tomitugaga si mwasawa bogwa bikalituli; e tomota ituwoli goli bitasusilasi bikaimapwaisi matausina.

²⁰Mitaga Yaubada gala wala avai tuta bisilavi tomitukwaibwaila, e gala avai tuta bipilasi tomitugaga.

²¹Matauna bivigakaim bukugova deli m mwasawa,

²²mitaga biyomsili matausina leivigakaimsi tokukolosi yoku, e tomitugaga si kaisisu bitamwau wala.