Read Kilivila SAM 105 Bible Online

SAM 105 - Kilivila bible

SAM 105

¹Bitanokagutokisi baisa Guyau e bitakamitulaisi matauna Tovakaigaga. Bitalukwaisi boda ituwoli ituwoli avaka avaka eivagi.

²Bitawosisi kala yakaula Guyau. Bitalivalaisi makwaisina vavagi kabokatubau avaka avaka eivagi.

³Bitamwasawasi paila eivigakaidasi la vavagi goli. Ibodi komwaidosi availa availa itapwarorusi baisa matauna bimwasawasi.

⁴Bitalokaiasi Guyau paila pilasi e tuta komwaidona bitatapwarorusi baisa matauna.

⁵E yokomi tubula Eberaam, matauna la touwata, e yokomi tubula Yekobe, matauwena einagi, bukululuwaisi makwaisina kabutuvatusi eivagi Yaubada, deli bukululuwaisi la yakala makwaisina.

⁷Guyau matauna da Yaubadasi. Matauna la karaiwaga duwosisia isisu paila komwaidosi mina watanawa.

⁸Matauna bivagi makawala la kabutu,[230] tuta gala wala biwokuva, e makawala la biga katotila bila, bila, biboda tubwa lakatuluwotala goli.

⁹Matauna bivagi makawala eilivala baisa Eberaam, e makawala la biga katotila baisa Aisake.

¹⁰Guyau eikabutu deli Yekobe, e baisa goli bikanigaga.

¹¹Kawala, “Bogwa basakaim makubilana Kenani, e bukuvigaki m vavagi tatoum.”

¹²Omitibogwa Yaubada la tomota gala ibawasi, e isisuaisi tomitawasi wala mapilana Kenani.

¹³Iwowausi wala avai valu avai valu, e deli avai kabokwaraiwaga avai kabokwaraiwaga.

¹⁴Mitaga Yaubada gala itagwala availa bilamidadi matausina. Magila bikoli matausina, e mapaila ikamitilaki gweguya,

¹⁵kawala, “Taga kuyogagaisi matausina ulo towotetila bogwa lanagi. Taga kukwabikonaisi matausina ulo tovitoubobuta.”[231]

¹⁶Guyau iwitali molusaula osi valu[232] e ikaimali komwaidona kʹasi.

¹⁷Mitaga eiwitali taitala ilobogwa omitasi, matauwena Yosepa, eigimolaisi paila ula.

¹⁸Kaikela kala katupipi tanumnumta, e kaiyola kala katupipi tanumnumta,

¹⁹e isisu makawala, tatoula wala ikaloubusi makawala eivitoubobuta omitibogwa. Guyau la biga ikamokwiti matauna.

²⁰E oluvi guyoula Itipita itaneku Yosepa, e matauna si guyau boda ituwoli ituwoli ikau iligaiwa kala katupipi.

²¹E ivigaki matauna kasi tokugwa kaidadala la valu, deli biguyoi viloumwaidona Itipita.

²²Iguguyoi komwaidosi guyau matauna la tosikwawa, e isim la karaiwaga bivituloki matausina kala tovakeda guyau.

²³E oluvi Yekobe ilokaia mapilana Itipita e imili valu baisa.

²⁴Guyau ivigaki la tomota idalasi, e ikatupewoli matausina odubasi kasi tilaula.

²⁵Ivigaki mina Itipita bipakaisi la tomota, deli bilamidadaisi matausina.

²⁶E oluvi iwitali la touwata Mosese, e deli goli Eroni, matauwena einagi.

²⁷Matausina eivagaisi Yaubada la vavagi topilaveka, e ivagaisi kabutuvatusi mapilana Itipita.

²⁸Yaubada eiwitali dubilikitakita ovalu, mitaga mina Itipita gala bikabikuwolaisi la karaiwaga.

²⁹Ivigaki si waya bidavilasi imila buyavi. e ikatumati si yena komwaidona.

³⁰Si valu ikaligiaki kumeu, e ligisa goli tuvaila eikasewoki minasina.

³¹Yaubada ikaraiwaga e nigunagu deli segusegu saina bidugaga ikasewoki valu.

³²Kaimapula kunatoula iwitali kuna kwekulokula e deli kavikavila ovalu.

³³Ikodidaimi bigulesi waini deli makaisina seuseu, e deli ikouwoli kai komwaidona.

³⁴Ikaraiwaga, e nipawa iviloubusisi, gala gagabila availa bikalau kasi bawa.

³⁵Ikomasi kaila valu komwaidona, e bagula ikamkulovaisi wala.

³⁶Ikatumati si kuluta tauwau komwaidona mina Itipita.

³⁷E oluvi ivakadi mina Isireli isunapulasi. Ikokeulasi siliba deli goula e komwaidosi deli si momova e deli si peula.

³⁸Mina Itipita ikukolaisi matausina, e imwasawasi avai tuta isilavaisi si valu.

³⁹Yaubada isaili lowalowa odubasi la tomota e wa bogi isaiki kova paila bititapi matausina.

⁴⁰Inigadasi e iwitali kasi gwaba gogoila. Isaiki kaula metoya wa labuma e ikamsi ikomatasi goli.

⁴¹Iulaim dukutotu e sopi igiposisi, e sopi ititayelu oviloupakala makawala waya.

⁴²Iluluwai la biga katotila kwebumaboma baisa la touwata Eberaam.

⁴³E mapaila ivakadi la tomota isunapulasi, e iwosisi igovasi deli mwasawa.

⁴⁴Isaiki matausina si pwaipwaia tuwoli tomota, e deli tuvaila itagwala biyoulisi si kwabila tomota matausina.

⁴⁵E ivagi makawala kidamwa la tomota bikabikuwolaisi la karaiwaga kwevakaveka, deli bivagaisi makawala komwaidona la karaiwaga kwekikekita. Kala yakaula Guyau!