Read Kilivila SAM 112 Bible Online

SAM 112 - Kilivila bible

SAM 112

¹Kala yakaula Guyau! Bimwasawa matauna availa itemmali Guyau, availa matauna deli nanola kala mwamwasila ikabikuwoli Guyau la karaiwaga makwaina.

²E tomitukwaibwaila litula si kaisisu saina peuligaga wala osi valu, e Guyau bikabwaili dalela.

³Deli goli veyala biyosisi si guguwa saina bidugaga, e matauna goli bisibwabwaila tuta komwaidona.

⁴Tomitukwaibwaila si sisu makawala lumalama ititapi odudubila, paila matausina saina tonokapisi e toninabwaila, e deli tovagisi duwosisia.

⁵Bimwasawa matauna availa itugwali la guguwa paila sala biwasisi, kaina avai togigimwala iiyamati la wotetila deli kala duwosisia.

⁶Tomitukwaibwaila gala avai tuta bikapusi. Tuta komwaidona biluluwaisi wala matauna.

⁷Matauna la dubumi saina peula, e idubumi wala Guyau. e mapaila gala bikokola kidamwa avai bulogala gaga[247] bilagi.

⁸E gala wala bininayuwa kaina bikokola, mitaga mokwita wala bigisi kala tilaula bimamasi.

⁹Ilalasimakavi la guguwa baisa tonamakava, e la ninabwaila gala wala biwokuva. Matauna bogwa bitoveka metoya ola kaisisu, e mapaila bisim kala kamaiaba.

¹⁰Mitaga tomitugaga igisaisi baisa e saina igibuluwasi, e ikulubweyani migisi paila saina tokukolosi matauna, e itamwausi, e si pikwaku goli bogwa wala leiwokuva.