Read Kilivila SAM 132 Bible Online

SAM 132 - Kilivila bible

SAM 132

¹Mwa Guyau! Taga kulumwelavi Debida, deli goli komwaidona makwaisina vavagi mwau eibudoboda.

²E Guyau, kululuwai avaka eikatotila bivagi. Kululuwai ammakawala eilivala biga katotila saina mwau baisa yoku, Yekobe la Yaubada Topeuligaga.

³Kawala, “Gala wala bala ovalu, e gala bakenu okabagu.

⁴Gala bavaiwasi, e gala bamisiki moi,

⁵tatoula wala bayoudila Guyau la kabosisu, e bakaliai la bwala matauna Yekobe la Yaubada Topeuligaga.”[271]

⁶Mapilana Bedeliem kasisuaisi kalagaisi bulogala makwaina Kabutu Didawogala,[272] e kabanaisi makwaina okubilela Yearim.[273]

⁷E kawamasi, “Ibodi bitalokaiasi ola bwala Guyau,[274] e bitatapwarorusi baisa omatala la takaikaia.”[275]

⁸Mwa Guyau! Bukuma wa Bwala Kwebumaboma, deli makwaina Kabutu Didawogala, makwaina ikibuboti m peuligaga. Bukuma e bukusigaga baisa.

⁹Ibodi m tolula tuta komwaidona biwotetilasi duwosisia, deli m tomota bigovasi deli mwasawa.

¹⁰Bogwala kulivala biga katotila baisa Debida m towotetila E Guyau, taga kupaiki guyau matauna yoku lokunagi.

¹¹Lokulivala biga katotila mwau baisa Debida, e gala goli bukukwaimali makwaina katotila. Kawam, “Taitala litumwa bavigaki biguyau, e matauna igau kaimapum bikaraiwaga.

¹²Kidamwa litumwa tauwau tuta komwaidona bivagaisi makawala ulo kabutu, e bikabikuwolaisi ulo karaiwaga makwaisina lasaiki matausina, e ka, litusia tuvaila biguyausi odalem tuta goli gala biwokuva.”

¹³Guyau bogwa einagi mapilana Saiyoni,[276] e magila bimili valu baisa.

¹⁴Kawala, “Mapilana valu goli basigaga tuta gala biwokuva. Magigu bakaraiwaga metoya baisa.

¹⁵Bogwa bamitukwaii mapilana Saiyoni, basaiki komwaidona avaka ibodi biyosi, e bogwa bavakoma tonamakava e bikomatasi.

¹⁶Bamitukwaii la tolula paila komwaidona avaka avaka bivagaisi, e deli tomotala biusiwosisi bigougovasi deli mwasawa.

¹⁷Mapilana valu bavigaki taitala Debida dalela bigiyouveka, mapilana bayamati la karaiwaga matauna guyau lanagi.

¹⁸Bogwa bayomsili sainela kala tilaula, mitaga matauna la kabokwaraiwaga bipeula e bisiniveka goli.”