Read Kilivila SAM 136 Bible Online

SAM 136 - Kilivila bible

SAM 136

¹Ibodi bitanokagutokisi baisa Guyau, paila matauna goli giyoubwaila, e la yebwaili ikanuvagasi goli.

²Ibodi bitanokagutokisi baisa matauna tovakaigaga ikalisuwoli komwaidona minasina yaubada. e la yebwaili ikanuvagasi goli.

³Ibodi bitanokagutokisi baisa matauna topeuligaga ikalisuwoli komwaidona gweguya, e la yebwaili ikanuvagasi goli.

⁴Matauna goli kalamwaleta iuvagi vavagi topilaveka, e la yebwaili ikanuvagasi goli.

⁵Metoya ola kabitam, matauna ibubuli labuma, e la yebwaili ikanuvagasi goli.

⁶Matauna ibubuli valu watanawa odabala tukutaku,[282] e la yebwaili ikanuvagasi goli.

⁷Matauna ibubuli kalasia deli tubukona, e la yebwaili ikanuvagasi goli.

⁸Ibubuli kalasia kidamwa bikaraiwogi yam, e la yebwaili ikanuvagasi goli.

⁹E ibubuli tubukona deli utuyam, kidamwa bikaraiwogaisi bogi, e la yebwaili ikanuvagasi goli.

¹⁰Matauna ikatumati si kuluta tauwau mina Itipita, e la yebwaili ikanuvagasi goli.

¹¹Matauna ikugwai mina Isireli e ivisunupuloi metoya mapilana Itipita, e la yebwaili ikanuvagasi goli,

¹²metoya oyamala goli, makweyana kweyapeuligaga, e la yebwaili ikanuvagasi goli.

¹³Matauna ivigaki mapilana Bolita Pilabweyani bitabai, e la yebwaili ikanuvagasi goli,

¹⁴e ikugwai la tomota oluwalela bolita goli, e la yebwaili ikanuvagasi goli.

¹⁵Mitaga ikatudoum guyoula Itipita deli la tokwabilia, e la yebwaili ikanuvagasi goli.

¹⁶Matauna ikugwai la tomota oluwalela viloupakala, e la yebwaili ikanuvagasi goli.

¹⁷Matauna ikatumati gweguya matausina topapeula, e la yebwaili ikanuvagasi goli.

¹⁸Matauna ikatumati gweguya matausina isim bulogasi, e la yebwaili ikanuvagasi goli.

¹⁹Yagasi Siyoni, matauna mina Amora si guyau, e la yebwaili ikanuvagasi goli,

²⁰deli Ogi,[283] matauna guyoula Basani, e la yebwaili ikanuvagasi goli.

²¹Matauna ikau si pwaipwaia e isaiki la tomota, e la yebwaili ikanuvagasi goli,

²²e isaiki baisa mina Isireli la towotetila, e la yebwaili ikanuvagasi goli.

²³Matauna gala wala ilumwelavaidasi, avai tuta yakidasi bogwa tamamasi, e la yebwaili ikanuvagasi goli.

²⁴Matauna itanekwaidasi metoya kada tilaulasi, e la yebwaili ikanuvagasi goli.

²⁵Matauna iuvakoma komwaidona la bubuli tommomova, e la yebwaili ikanuvagasi goli.

²⁶Ibodi bitanokagutokisi baisa matauna labuma la Yaubada, e la yebwaili ikanuvagasi goli.