Read Kilivila SAM 14 Bible Online

SAM 14 - Kilivila bible

SAM 14

¹Toninagowa[32] ininamsaisi titoulesi kawasi, “Yaubada gala wala avaka!”[33] Komwaidosi matausina saina gaga, e ivagaisi vavagi makwaisina kabokakayuwa. Gala avai tomota isisu tomitukwaibwaila.

²Guyau wa labuma ikululuki mina watanawa, mwada bigisi availa isisu tokabitam, e availa ititapwaroru baisa matauna.

³Mitaga komwaidosi wala bogwa eisulasi, komwaidosi goli kasi gaga makawala wala. Gala avai tomota isisu tomitukwaibwaila, gala goli availa.

⁴E Guyau ikatupoi kawala, “Ki, kaina gala inikolaisi? Matausina tomitugaga komwaidosi wala tobubeikam, kadai? Paila ititakunasi kʹasi metoya ililebwaisi ulo tomota, e gala avai tuta bininigadasi baisa yeigu.”

⁵Igau wala matausina bikokoluvagasisi, paila Yaubada isikaili wala matausina availa availa ikabikuwolaisi matauna.

⁶Tomitugaga isilibodaisi tomanum avaka la nanamsa mwada bivagi, mitaga Guyau matauna kala tokwala.

⁷Baisa ulo nigada, kidamwa mina Isireli bibanaisi si tomgwaga bima metoya mapilana Saiyoni.[34] E matutona Guyau bimitukwaii mina Isireli tuvaila, bogwa goli bimwasawasi, si mwasawa saina kwevakaigaga.