Read Kilivila SAM 147 Bible Online

SAM 147 - Kilivila bible

SAM 147

¹Kala yakaula Guyau! Saina bwaina kidamwa bitawosi yakaula baisa da Yaubadasi. Saina kaiyomwasalela nona deli duwosisia paila bitayakawolaisi matauna.

²Guyau bogwa bivigivau mapilana Yerusalem, e ikaimilivau la tomota metoya okatupipi.[299]

³Ikatigam luposi matausina saina ininigagasi, deli ituvi kasi kapwaila.

⁴Matauna bogwa einikoli kasi bawa utuyam, e matauna idou yagasi natana natana.

⁵Da Guyausi matauna tovakaigaga deli topeuligaga, e la kabitam gala ibodi bitavisaikoli.

⁶Ilupi matausina ninasi watanawa, mitaga ilisilavi tomitugaga ilosi opwaipwaia.

⁷Kuwosisi wosila yakaula baisa Guyau, e kuwaisi gita baisa da Yaubadasi.

⁸Matauna ikatugai lowalowa wa labuma, e isaiki kuna paila valu watanawa, deli ivigaki mnumonu bisusinasi wa koya.

⁹Matauna isaiki mauna nasigisagina kʹasi, deli iuvakoma nagugugwadi bulibuli avai tuta minasina bidousi.

¹⁰Matauna gala ikikau nanola minasina wosa napapeula, kaina tokwabilia totuvaluwa biyomwasalaisi matauna.

¹¹Mitaga la mwasawa baisa wala availa availa itemmalaisi matauna, deli matausina availa availa idubumaisi la mitakwai.

¹²O Yerusalem, kuyakawoli Guyau! O Saiyoni, kuyakawoli m Yaubada.

¹³Matauna ivigaki kalapisilem bipeulasi, e imitukwaii m tomota.

¹⁴Matauna iyamati kam kwaligei, e gala availa bikobili, deli ivakomataim metoya dilimoya witi.

¹⁵Matauna bisaiki kwaitala wala la karaiwaga ovalu watanawa, e avaka bilivala saina nanakwa bikaloubusi makawala.

¹⁶Ikatugai sinou makawala yatala kanunuva, deli iyosokani numla makawala tubumyou.

¹⁷Iwitali kuna kwekulokula makawala sigunoguna. Saina tula baisa iwitali e gala availa gagabila bisikaili.

¹⁸Oluvi matauna isaiki kwaitala wala la karaiwaga, e sopi kwekulokula isosusi. Iwitali yagila e sopi itayelu.

¹⁹Matauna isaiki la biga baisa la tomota, e la katuloluta deli la karaiwaga makwaisina baisa mina Isireli.

²⁰Matauna gala eiuvagi baisa paila mabudosina boda ituwoli ituwoli, paila matausina gala inikolaisi makwaisina la karaiwaga. Kala yakaula Guyau!