Read Kilivila SAM 148 Bible Online

SAM 148 - Kilivila bible

SAM 148

¹Kala yakaula Guyau! Yokomi kusisuaisi ovalu walakaiwa, kuyakawolaisi Guyau metoya wa labuma.

²Yokomi komwaidona boda mabudosina la tokwabilia walakaiwa, yokomi la anelosi, komwaidomi kuyakawolaisi matauna.

³Yokomi kalasia som tubukona, kuyakawolaisi matauna. Yokomi utuyam kupipisisi, kuyakawolaisi matauna.

⁴Yokomi labuma saina walakaiwa, deli sopi odabala labuma,[300] kuyakawolaisi matauna.

⁵Ibodi komwaidona makwaisina biyakawolaisi matauna Guyau. Ikaraiwaga e komwaidona bubuli bogwa eikaloubusisi makawala.

⁶Metoya ola karaiwaga ikatukikiti okabasi, e bikanigagasi, e gala wala gagabila bikoulovaisi la karaiwaga.

⁷Komwaidomi mina watanawa, kuyakawolaisi Guyau, yokomi dokanikanila bolita, deli tilibwabwau komwaidona.

⁸E deli kavikavila deli kuna, e numla deli lowalowa, deli utuyagila, yokomi kukwabikuwolaisi la karaiwaga, kuyakawolaisi matauna.

⁹Yokomi koya komwaidona, kuyakawolaisi matauna. E deli makaisina kaivalu, deli lawodila,

¹⁰e makawala mauna komwaidona nabulutuvalu deli nabubolodila, tuvaila mauna nasigisagina deli mauna nayoyowa, kuyakawolaisi matauna.

¹¹Yokomi gweguya deli tomota komwaidomi, kuyakawolaisi matauna. E gweguya deli tokwaraiwaga ituwoli ituwoli,

¹²kapugopugula deli uluulatila, e tommoya deli nunumoya, e tuvaila gugwadi, kuyakawolaisi matauna.

¹³Ibodi komwaidosi biyakawolaisi matauna Guyau. Matauna ikalisuwoli tommomova komwaidosi. Matauna Toguyugwayu vidubalela valu watanawa deli walakaiwa.

¹⁴Eikatupewoli mabudona la tomota, e mauula komwaidosi la tomota iyakawolaisi matauna, matausinaga mina Isireli, mina mbwailila goli matausina. Kala yakaula Guyau!