Read Kilivila SAM 17 Bible Online

SAM 17 - Kilivila bible

SAM 17

¹Mwa Guyau! Kunakaigali ulo yokakapisi paila karaiwaga duwosisia! E kukwatukovi taigam kulagi ulo dou paila pilasi! Kunakaigali ulo nigada kwekamokwita.

²Yoku bukukwabwailigu oyakala, paila uula yoku kunikoli avaka duwosisia.

³Yoku kunikoli nanogu. Paila kummakaiagu bugibogi, e kumitakavataigu wala tomwaidogu e gala wala kubani avai nanamsa gaga olumoulegu.

⁴Ulo bigatona gala bigigaga, makawala segwaia si bigatona. Bogwa lakabikuwoli m kwaraiwaga deli gala abokuli si kidakeda togigasisi.

⁵E tuta komwaidona aliloula wala om keda,[41] e gala kwaitala tuta avalavi metoya makadana.

⁶Mwa Yaubada! Aninigada baisa yoku, paila uula kummapu ulo dou. Mapaila baisa kutovilakaigu, e kunakaigali ulo biga.

⁷Kukimitali makwaina m mitakwai e kukwatumovaimasi. Baisa okaipapam yakamaisi kakwalasi metoya baisa kama tilaulasi.

⁸Kuyamataigu makawala tomota iiyamataisi mitasi. Kukwatupwanaigu metoya okaikonigulela pinupanem,[42]

⁹metoya osi womakava tomitugaga. Agu tounakaiyala eitoulaigusi eitopataigusi

¹⁰e matausina gala wala si nokapisi, e deli tokaluvalova.

¹¹Ka, baisa tuta, ambaisa ambaisa bamitavila, bogwa wala agisi eivaulaigusi eivapataigusi, e iuwayausasi mwada bibanaisi si tuta paila biyosaigusi bisakailikaigusi pwaipwaia.

¹²Matausina makawala laiyoni, eitulotulasi wala paila yeigu, magisi bikomtumtaigusi wala.

¹³Mwa Guyau! Kuma kuvabodi agu tilaula e kukwalisau matausina! Kukolaigu metoya baisa tomitugaga metoya om puluta.

¹⁴Kukolaigu metoya baisa matausina availa availa ititaki ninasi baisa ovalu watanawa. Kumipuki matausina metoya mmayuyu makwaisina okukwatubiasi paila matausina, e iboda kesala m mipuki bisisu paila litusia, e kesalaga paila tubusia goli!

¹⁵Mitaga yeigu wala bagisaim, paila uula gala avagi kwaitala sula, e avai tuta bamamata, yoku goli bukusikailigu e mauula nanogu bimwamwasila sainela.