Read Kilivila SAM 2 Bible Online

SAM 2 - Kilivila bible

SAM 2

¹Avaka uula boda ituwoli ituwoli mwada bikoulovaisi kasi karaiwaga? E avaka uula tomota ikikeiwalamakavasi?

²Si gweguya eipoisivisisi, e kasi tokwaraiwaga ikikeiwalasi mwada bikoulovaisi Guyau Yaubada, deli bikoulovaisi guyau matauna availa Yaubada bogwa einagi.

³E kawasi, “Ka, bitatanekwaidasi metoya osi karaiwaga, e karaiwaga makwaina bitapakaisi, kadai!”

⁴Guyau Yaubada ola takaikaia wa labuma igigili matausina, e iyosokani si nanamsa saina gewagewa.

⁵Oluvi deli la gibuluwa ikamitilaki matausina, e metoya ola gidaleiya sainela ivitukukoli matausina.

⁶E ikaibiga kawala, “Ogu koya kwebumaboma mapilana Saiyoni,[5] bogwa lavasani guyau matauna availa lanagi.”

⁷E guyau matauna ilivala, kawala, “Yeigu bakamituli avaka Guyau eikaibigi. Matauna eilukwaigu kawala, ‘Yoku latugu.[6] Yam lagaila[7] bukudokaigu tamam.

⁸Ka, bukunigadaigu, e basakaim komwaidona boda ituwoli ituwoli. Bogwa basakaim komwaidona valu watanawa.

⁹Oyamam bukuyosi kaitala tanumnumta, baisa kabutuvitusila m kwaraiwaga kala peula, e bukukwatuvi mabudosina boda. Bogwa bukukwatumimisi mabudosina, makawala tomota bikatumimisaisi kulia.

¹⁰E yokomi gweguya, bukulagaisi kamitilaki makwaina, e yokomi kasi tokwaraiwaga mina watanawa, bukutakutaisi vituloki makwaina.

¹¹Bukuwotitalaisi Guyau Yaubada deli mi kokola.

¹²Deli mi tatuva bukukwavaginasi omatala matauna. Kidamwaga gala - ka! Saina nanakwa bitokaia la gibuluwa, e saina nanakwa goli bukukwaligasi. Mitaga availa availa bilokaiasi matauna mwada bikwalasi, matausina goli bimwasawasi.