Read Kilivila SAM 24 Bible Online

SAM 24 - Kilivila bible

SAM 24

¹Valu watanawa deli uvagila komwaidona, baisa Guyau la vavagi. Valu valu komwaidona deli kala tosisu komwaidosi, baisa matauna la vavagi.

²Eikaliai valu watanawa odabala sopi osikowala pwaipwaia,[60] e isaim tumilela[61] otulubwabwau.

³Ki, availa ibodi[62] bimwena ola koya Guyau,[63] e availa ibodi bisuvi ola Bwala Kwebumaboma?

⁴Kidamwa matauna kweyamigileu yamala e la nanamsa migileuwokuva wala, kidamwa gala eitapwaroru baisa avai tokolu, e gala ilivala katotila sasopa,

⁵e Guyau bimitukwaii deli bikoli matauna. Yaubada bidoki matauna tobwaila wala.

⁶Tomota makawala matauna[64] ibodi bilokaiasi Yaubada, deli bisuvisi bimaisi omatala Yekobe la Yaubada.

⁷Kuulaimwaisi kalapisila[65] bikabauwaiasi, e lulu kaduyobubogwa bikapogegasi, e matauna Giyouveka bogwa bisuvi.

⁸Ki, availaga matauna Giyouveka? Matauna goli Guyau, Topeuligaga sainela. Matauna Guyau, Tokwalisewa otutala kabilia.

⁹Kuulaimwaisi kalapisila bikabauwaiasi, e lulu kaduyobubogwa bikapogegasi, e matauna Giyouveka bogwa bisuvi.

¹⁰Ki, availaga matauna Giyouveka? Matauwena Guyau Totomgwaga, matauwena goli Giyouveka.