Read Kilivila SAM 25 Bible Online

SAM 25 - Kilivila bible

SAM 25

¹Mwa Guyau! Aninigada baisa yoku.

²Adubumaim wala yoku ulo Yaubada. Kukolaigu taga bammosila paila ulo mama. Taga kutagwala agu tilaula biyosokanaigusi.

³Matausina availa availa saina nanakwa bikosomapwaimsi, matausina goli bimamasi okabilia. Mitaga matausina availa availa idubumaimsi gala wala bimamasi.

⁴Mwa Guyau! Kuvitulokaigu m kidakeda, e kuyomitali makadasina baisa yeigu.

⁵Kuvitulokaigu kidamwa babububuna makawala m biga kwekamokwita. Paila yoku ulo Yaubada, yoku goli kukwatumovaigu. Yeigu tuta komwaidona adubumaim.

⁶Mwa Guyau! Kululuwai m ninabwaila deli m mitakwai, makwaisina bogwa lokuyomitali omitibogwa e lagaila.

⁷Kuligaiwa ulo mitugaga deli ulo sula makwaisina igau otubovaugu. O Guyau, metoya om mitakwai deli om bobwailila kululuwaigu!

⁸Matauna Guyau ivituloki tomitugaga keda duwosisia ibodi matausina bibokulaisi, paila uula Guyau matauna tomitukwaibwaila deli giyoubwaila.

⁹Matauna iuvakadi matausina ninasi watanawa okedala duwosisia, deli ivituloki nanola baisa matausina.

¹⁰Metoya ola kimadagi deli la yebwaili, matauna iuvakadi komwaidosi availa availa iuvagaisi makawala la kabutu[66] deli ikabikuwolaisi la karaiwaga.

¹¹Mwa Guyau! Kuvagi makawala m biga katotila e kuligaiwa ulo mitugaga. paila saina wala bidugaga makwaisina.

¹²Availa availa matausina ikabikuwolaisi Guyau bitakutusi metoya baisa matauna avai keda wala ibodi bibokulaisi.

¹³E matausina tuta komwaidona biyubwailasi, e deli litusia bisigagasi mapilana valu.[67]

¹⁴Guyau ikalubaili matausina availa availa ikabikuwolaisi matauna, e ikatukikiti la kabutu baisa matausina.

¹⁵Yeigu akowana baisa Guyau paila la pilasi tuta komwaidona, e ikolaigu metoya okabosilagi.

¹⁶Mwa Guyau! Kutovilakaigu deli kunokapisaigu, paila uula wala yeigu asigumalawa e deli ulo mama.

¹⁷Kukwatigam lopogu metoya ogu nokubukubu, deli kukwatumovaigu metoya agu mwau komwaidona.

¹⁸Kuninamsi kala kaikai nanogu deli agu mmayuyu, e bukuligaiwa ulo mitugaga komwaidona.

¹⁹Kugisi kasi bawa agu tilaula, e kuvitusi ammakawala kala vakaila matausina eivigakaigusi tokukolosi yeigu.

²⁰Ka, lamakaiam paila bakwala, mapaila kukolaigu deli kukwatumovaigu, e kuyamataigu taga bamama.

²¹Ibodi ulo bubunela bwaina deli ulo kamokwita bikolaigu, paila uula wala adubumaim.

²²Mwa! Yaubada, kukwatumovi m tomota mina Isireli metoya okasi mwau komwaidona!