Read Kilivila SAM 30 Bible Online

SAM 30 - Kilivila bible

SAM 30

¹Ayakawolaim Guyau paila lokukolaigu e kusilibodi agu tilaula mwada gala biyosokanaigusi.

²Mwa! Guyau ulo Yaubada, ladou baisa yoku mwada bukupilasaigu, e yoku bogwa lokukwatumovaigu.

³Yeigu bogwa layayaya bala okedala Tuma,[79] mitaga yoku bogwa lokukwaliduboli agu laka. E bogwa kukwaimilivau ulo momova.

⁴Yokomi la tomota tokimadagi kuwosisi yakaula baisa Guyau. Kululuwaisi avaka matauna Tobumaboma bogwa leivagi e kunokagutokisi baisa matauna!

⁵Matauna la gibuluwa gala wala imomwa biwokuva, e la bobwailila isisu tubwa komwaidona. Kaina mitalogi ibodi bibubusisi wa bogi, mitaga eiyam kaukwau mwasawa biviloubusi.

⁶Yeigu bogwa lalumkoli eiluva wala wowogu, e kawagu, “Gala wala availa bikalisauwaigu.”

⁷Mwa Guyau! Yoku lokumitukwaibwailigu. Lokukolaigu makawala kwaitala bolela kabilia wa koya bikoli tomota. Mitaga oluvi yoku kukwatupwanaim metoya baisa yeigu, e yeigu bogwa lakokola.

⁸Mwa Guyau! Yeigu ladou baisa yoku e akayubabai paila bukupilasaigu,

⁹e kawagu, “Avai vavagi bwaina bukubani metoya ogu kwaliga? Avaka tuvaila bukubani kidamwa yeigu bala wa laka? Ki, igagabila tokwaliga biyakawolaimsi?[80] Kaina igagabila bikamitulaisi m bobwailila kwekanuvagasi ke?

¹⁰Mwa Guyau! Kunakaigalaigu e bukunokapisaigu. Mwa Guyau! Kupilasaigu!”

¹¹Yoku lokuvigaki ulo ninamwau biwokuva, e akakaiwosi deli ulo mwasawa. Yoku bogwa lokuvisimolaigu, e kuvakasauwaiguga mwasawa.

¹²Mapaila galaga bakapatu. Bausiwosi wala kam yakaula. Mwa Guyau! Yoku wala ulo Yaubada, e tuta komwaidona banokagutoki baisa yoku.