Read Kilivila SAM 32 Bible Online

SAM 32 - Kilivila bible

SAM 32

¹Bitamwasawa kidamwa Yaubada biligaiwa da mitugaga, deli biligaiwa da sula bidubadu.

²Bitamwasawa kidamwa Guyau gala bikamituli da sula, e gala goli takiumsi avai sopa.

³Avai tuta gala akamituli ulo mitugaga, e asomata wala valam yam komwaidona.

⁴E Guyau, yam deli bogi kumipukwaigu.[83] Ulo peula komwaidona eitamwau, makawala kalasia ivakai dumia pwaipwayela.

⁵Oluvi akamituli ulo mitugaga baisa yoku, gala wala akatupwani makwaisina ulo sula. Anagi bakamituli baisa yoku, e yoku lokuligaiwa komwaidona ulo mitugaga.

⁶E ibodi m tomota mina katalova komwaidosi binigadasi makawala baisa yoku osi tuta mwau, e avai tuta bidubadu vavagi mwau biviloubusi, vavagi makwaisina gala wala bimakaia matausina.

⁷Yoku ulo kabosipepuni. Bogwa bukukolaigu e gala baboda avai vavagi mwau. E awosi saina peula paila m kwatumova, paila yoku kuyamataigu wala.

⁸E Guyau ikaibiga kawala, “Bogwa bavitulokaim e bakamitububuli avai keda ibodaim bukuloula. E yeigu bakatululutaim.

⁹Gala ibodi bukuvigakaimi makawala wosa kaina miuli, paila minasina gala isim ninasi. Minasina ibodi kabokuliga bisisu oudosi e tokuliga bikaraiwogi minasina si liloula.”

¹⁰Tomitugaga ibodi bilumkolaisi mmayuyu sainela. Mitaga matausina availa availa idubumaisi Guyau bogwa bikwalasi ola mitakwai.

¹¹Yokomi tomitukwaibwaila bukumwasawasi e bukukwaimwanasi paila uula vavagi makwaisina avaka Guyau bogwa eivagi. E yokomi availa availa kukwabikuwolaisi matauna bukugovasi deli mwasawa.