Read Kilivila SAM 33 Bible Online

SAM 33 - Kilivila bible

SAM 33

¹Yokomi tomitukwaibwaila, bukugovasi deli mwasawa, paila uula vavagi makwaisina avaka Guyau bogwa eivagi. Kuyakawolaisi matauna, komwaidomi availa availa kukwabikuwolaisi matauna.

²Bukunokagutokisi baisa Guyau deli mi gita, e oyumami gita kaivakaveka bukuusiwosisi baisa matauna.

³Kuwosisi wosi pilavau baisa matauna. Kuwawaisi mi gita deli mi katugweimila, e bukugovasi deli mwasawa.

⁴Yaubada la biga komwaidona biga mokwita e gagabila bitadubumi komwaidona avaka avaka iuvagi.

⁵Guyau iyebwaili mitukwaibwaila deli karaiwaga duwosisia, e la mitakwai ivakasau valu watanawa.

⁶Guyau ibubuli[84] valu walakaiwa metoya ola karaiwaga. Ibubuli kalasia, tubukona e utuyam metoya ola biga.

⁷Ikouguguli bolita ivigaki gulotala, e tilibwabwau ikatubodi okabala.[85]

⁸E yokomi mina watanawa, kukukolaisi Guyau. Kutemmalaisi matauna, komwaidomi tomota odabala pwaipwaia.

⁹Avai tuta ilivala valu watanawa ikaloubusi, e vavagi komwaidona eikaloubusisi metoya ola karaiwaga.

¹⁰Guyau isilibodi ninasi boda ituwoli ituwoli. Mwada bivagaisi avaka einagaisi, mitaga Guyau gala wala itagwala.

¹¹Mitaga avaka avaka nanola matauna baisa bikanigaga wala. Avaka avaka inagi bikaloubusi, gala wala biwokuva.

¹²Avai boda inagaisi mwada Guyau si Yaubada, bogwa bimwasawasi. E avai tomota Guyau einagi mwada la tomota tatoula, matausina goli bimwasawasi.

¹³Guyau wa labuma ikululuki igisi mina watanawa komwaidosi.

¹⁴Metoya ola kabokwaraiwaga ikululuki komwaidosi tosisula valu watanawa.

¹⁵Ibubuli si nanamsa avaka avaka ininamsaisi, e inikoli wala komwaidona avaka avaka iuvagaisi.

¹⁶Taitala guyau gala bikugwa mwada uula la tokwabilia saina topapeula. E taitala tokabilia gala wala bitomgwaga mwada uula la peuluvagasi.

¹⁷Minasina wosala kabilia gala dimlesi paila tomgwaga. Wosa minasina saina napapeula mitaga gala wala ibodi bikoli tomota.

¹⁸Guyau iiyamati matausina availa availa ikabikuwolaisi matauna, availa availa idubumaisi la mitakwai.

¹⁹Ikoli matausina metoya okaliga, e ikamovi matausina metoya otutala molusaula.

²⁰Yakidasi tapikwakwaisi Guyau. Matauna kada Tokwalasi deli kada Topilasisi.

²¹Tamwasawasi paila uula matauna. Paila tadubumaisi matauna Tobumaboma.

²²Mwa Guyau! Ibodi bukumitukwaiyaimasi, paila bogwa kapikwakwaimsi goli.