Read Kilivila SAM 34 Bible Online

SAM 34 - Kilivila bible

SAM 34

¹Tuta komwaidona banokagutoki baisa Guyau, e gala avai tuta basim yakaula baisa matauna.

²Bayakawoli matauna paila vavagi makwaisina avaka bogwa eivagi. Availa availa eibodasi lamadada ibodi bilagaisi ulo biga e bimwasawasi.

³Yeigu deli yokomi bitakamitulaisi matauna Guyau Tovakaigaga. Ibodaidasi gulitinidesi bitayakawolaisi matauna.

⁴Lanigada baisa Guyau e imapu ulo nigada e itanekwaigu metoya ogu kokola komwaidona.

⁵Matausina availa availa eibodasi lamadada ikowanasi baisa matauna e imwasawasi, e matausina gala avai tuta avaka biyomwau ninasi.

⁶Matausina tomamama idoudousi baisa matauna e imapu si dou, e ikoli matausina metoya okasi mwau komwaidona.

⁷Paila la anelosi[86] iiyamati matausina availa availa ikabikuwolaisi Guyau, e ikoli matausina metoya okabosilagi.

⁸Kunevi titoulem e bukubani Guyau la bobwailila kala bwaina. Matausina ivigakaisi Guyau kasi tokwala imwasawasi goli.

⁹E komwaidomi la tomota kukwabikuwolaisi matauna. Paila availa availa ikabikuwolaisi matauna bogwa eiyosisi komwaidona avaka bibodi matausina.

¹⁰Kaina goli minasina laiyoni mimilisi tuta bikamolusi kidamwa gala bibanaisi kʹasi. Mitaga matausina availa availa ikabikuwolaisi Guyau, tuta komwaidona biyosisi avaka ibudoki matausina.

¹¹E gugwadi kumaisi kulagaigusi e bavitulokaimi ammakawala bukutemmalaisi Guyau.

¹²Ki, magimi bukumwasawasi baisa ovalu watanawa? Kaina magimi mi momova bikaduwonaku e deli ninami kala mwamwasila, kadai?

¹³Kidamwa makawala, e ibodaimi bukupakaisi bigigaga deli gala wala bukuubuwabusi.

¹⁴Kutotubulokaisi mitugaga, e bukumitukwaibwailasi. Bukunevisi bubunela vakota[87] deli ninami komwaidona.

¹⁵Guyau iiyamati tomitukwaibwaila, e tuta tuta ililagi si dou.

¹⁶Mitaga ikoulovi tomitugaga, e avai tuta bikaligasi, saina nanakwa talumwelavi matausina.

¹⁷Tomitukwaibwaila idoudousi baisa Guyau, e ililagi matausina, e ikoli matausina metoya okasi mwau komwaidona.

¹⁸Guyau isividuli matausina availa availa imama ninasi, e ikoli matausina availa availa eiwokuva si pikwaku komwaidona.

¹⁹Tomitukwaibwaila ibudoboda lamadada bidubadu, mitaga Guyau bikoli matauna metoya makwaisina komwaidona.

²⁰Guyau ikoli matauna tomwaidona goli, e gala kaitala totuwala bitawoula.

²¹Vavagi gaga bikatumati tomitugaga, e matausina availa availa ivigakaisi tomitukwaibwaila mwada mina kukolosi bibodasi kasi mipuki.

²²Guyau bikoli la tomota, e availa availa bilokaiasi matauna paila bikwalasi, matausina gala wala bibodaisi kasi kamwaga.