Read Kilivila SAM 35 Bible Online

SAM 35 - Kilivila bible

SAM 35

¹Mwa Guyau! Kukoulovi matausina availa availa mwada bikoulovaigusi. Kukwabilia baisa matausina availa availa mwada bikabiliasi baisa yeigu.

²Kukwau m vayoula[88] deli tabodala wowom e kuma bukukolaigu.

³Kukwapupai m kwaiyala deli m kema e kuvabodi matausina leivakulaigusi. Kulukwaiguga paila bukukolaigu.

⁴Ibodi matausina availa availa ivigikonaisi mwada bikatumataigusi bimamasi deli kasi mmosila. E ibodi matausina availa availa eikikeiwalaigusi bitovilasi bikaimilavausi deli si takainowa.

⁵Ibodi matausina bisakaulasi makawala wawa tutala yagila iiyuvisau[89] avai tuta la anelosi[90] Guyau bivakuli matausina.

⁶E ibodi si keda bidudubila deli bidumokikina avai tuta la anelosi Guyau bimtuli matausina.

⁷Matausina eileiyamakavaisi agu sikula, e ikelaisi mesi paila mwada biyosaigusi.

⁸Mitaga matausina gala wala inikolaisi e kabosilagi saina nanakwa bilitaki matausina. Biwaisi wala okasi sikula titoulesi e bikapusisi bilosi osi kabosilagi!

⁹E mapaila bamwasawa paila uula Guyau. Bimwamwasila nanogu paila uula ikolaigu.

¹⁰Deli nanogu komwaidona balivala baisa Guyau kawagu, “Gala taitala makawala yoku, paila yoku kukoli tomamama metoya oyumasi topapeula, deli tonamakava metoya oyumasi tolamadada.”

¹¹Tomitugaga ikamitulaigusi oyakala e itabinakaigusi paila sula makwaisina gala anikoli.

¹²Yeigu avagi vavagi bwaina e matausina imapwaisi vavagi gaga. E ulo pikwaku bogwa goli itamwau.

¹³Mitaga avai tuta matausina eikatoulasi, yeigu lasikam agu koula deli laposuma. E lakululu lanigada

¹⁴makawala goli bavigaki banigada paila lubaigu kaina bodagu. E auveisali makawala taitala biuveisali paila inala.

¹⁵Mitaga avai tuta yeigu laboda mwau, komwaidosi matausina imwasawasi e isigugulasi paila biyosokanaigusi. Tomitawasi iwawaigusi e isetuwolaisi wala igimsisaigusi.

¹⁶Matausina ikapwinipwinaisi mitasi baisa yeigu deli kasi leiya, makawala tomota biyosokanaisi togoria.

¹⁷Mwa Guyau! Ammakawalaga kala woloula bukugigisakaigu wala? Kukolaigu metoya osi lewa, e kukoli ulo momova metoya baisa minasina laiyoni.

¹⁸E banokagutoki baisa yoku osi sigugula[91] m tomota. Bayakawolaim omitasi matausina komwaidona.

¹⁹Gala bukutagwala agu tilaula matausina tosisasopa biyosokanaigusi paila ulo mama. Gala wala bukutagwala matausina bigigilaigusi deli si mwasawa paila ulo valam. Paila matausina eivigimakavaisi wala eivigakaigusi tokukolosi.

²⁰Matausina gala wala sitana iudakatuwotilasi. Mitaga ibigautusi wala paila matausina tommanum.

²¹Matausina itabinakaigusi deli si wakula, kawasi, “Bogwa kagisaisi avaka lokuvagi!”[92]

²²Mwa Guyau! Yoku bogwa kugisi komwaidona baisa, mapaila baisa ulo Guyau galaga bukukwapatu e gala bukusikaduwonaku metoya baisa yeigu.

²³Mwa Guyau! Kuvigimamalu kutokaia kukwabwailigu. Ulo Yaubada, kutokaia e kupiaigu.

²⁴Mwa Guyau! Yoku tomitukwaibwaila, mapaila kukwamitulaigu yeigu tobwaila wala. Taga bukutagwala agu tilaula biyosokanaigusi.

²⁵Taga bukutagwala bininamsaisi titoulesi kawasi, “E, bogwa! Bogwa takatupupalaisi matauna! Baisa bogwa wala makawala avaka ninadaisi!”

²⁶Ibodi availa availa matausina iyosokanaigusi paila agu mmayuyu bimamasi deli biwouwouya ninasi. Matausina ikayupalaisi titoulesi idokaisi mwada si bubunela ikalisauwaigusi, ibodi goli biuliki kasi mmosila.

²⁷Availa availa matausina magisi bilagaisi matauna toyakala bikabwailigu, ibodi bigovasi deli si mwasawa e bilivalasi kawasi, “Guyau saina tovakaigaga! Matauna imwamwasila nanola paila la touwata bogwa eipeula.”

²⁸E oluvi bakamituli paila m mitukwaibwaila, e bayakawolaim wa yam makwaina wala kwemwaidona.