Read Kilivila SAM 38 Bible Online

SAM 38 - Kilivila bible

SAM 38

¹Mwa Guyau! Taga kumipukwaigu[96] metoya om gibuluwa.

²E bogwa kukwalibogwaigu om kwaiyala. Bogwa lokukwalisauwaigu lakapusi.

³Uula wala om gibuluwa, yeigu saina iyogidigedaigu. Wowogu tomwaidogu ibulokatuuwoli wala, uula goli ulo mitugaga.

⁴Yeigu akanopula wala osakalela ulo mitugaga. Makwaisina mitugaga ivigaki ulo koni saina mwaugaga.

⁵Agu pwasa bogwa eibogina deli eipwasigiyogaya, Uula wala yeigu bogwa lanagowa.[97]

⁶Yeigu bogwa layayali, e bogwa eiyomami wowogu. E iiyovilamwaigu yam komwaidona.

⁷Katoula bogwa eiyomeinaigu, katitaikina wala bakaliga.

⁸Yeigu bogwa lasomata, e mokwitatoula wala bogwa eimata wowogu. Nanogu iyomwau deli akayagigila deli agu gidageda.

⁹Mwa Guyau! Bogwa kunikoli avaka lapupikwaku. Kulagi komwaidona ulo kayagigila.

¹⁰Kukugu bogwa leikusa, e ulo peula bogwa leiwokuva, deli matagu bogwa eidudubila.

¹¹Lubaigwa deli segwaia gala wala bimakaiagusi katitaikina, uula wala agu pwasa. Deli goli veyagwa ileiligusi wala.

¹²Matausina magisi mwada bikatumataigusi eilaleiyasi wala agu sikula, deli matausina magisi mwada biyomiyuyaigusi ikikapoisi wala biyogagaigusi. Matausina gala isimwaisi agu kweiwala.

¹³Yeigu makawala taitala tau totuli e gala alilagi biga, e makawala tokutabu gala alilivala.

¹⁴Yeigu makawala taitala tau gala immapu biga, uula wala gala ililagi.

¹⁵Mwa Guyau! Yoku wala adubumaim. Yoku Guyau ulo Yaubada bukuvitakaulokaigu.

¹⁶Gala bukutagwala agu tilaula biyosokanaigusi paila agu mmayuyu. Gala bukutagwala matausina bikamnomwanasi paila ulo kapusi.

¹⁷Yeigu makateki wala bakapusi, deli agu gidageda gala kalitutilela.

¹⁸Akamituli ulo mitugaga. Makwaisina goli ivigaki agu kokola.

¹⁹Agu tilaula kasi kaitubwa bwaina deli topapeula. Bidubadu matausina ipakaigusi mitaga gala isim dimlela.

²⁰Availa availa matausina ikatumapwaisi ulo vavagi bwaina isakaigusi vavagi gaga ikikoulovaigusi wala paila avigikoni mwada bavagi duwosisia.

²¹Mwa Guyau! Taga kusilavaigu. Yoku ulo Yaubada, taga kusikaduwonaku metoya baisa yeigu!

²²Mwa Guyau! Yoku agu tokwatumova, kupilasaigu tuta baisa!