Read Kilivila SAM 39 Bible Online

SAM 39 - Kilivila bible

SAM 39

¹Akaibiga kawagu, “Ibodi wala bayamataigu avaka bauvagi, e deli gala batugwali mayegu bivigakaigu bamitugaga. Gala wala avaka balivali kidamwa tomitugaga otaligu wala.”

²E yeigu alumgwa wala, gala kwaitala biga alivali, kaina goli kwaitala vavagi bwaina, mitaga gala wala balivali! Mitaga agu mmayuyu ikatumkulovi wala isisiniveka,

³e deli saina anokubukubu sainela. E avaka avaka baninamsi, tuvaila wala agu mwau bisisakaigu. E gala gagabila basim kam nigada kawagu,

⁴“Mwa Guyau! Ammakawala kala kaduwonaku yeigu tomomova wala basisu? E avai tutaga bakaliga? Kulukwaigu ammakawala kala katitaikina ulo momova biwokuva.”

⁵Wo, ina kukupi lokuvigaki ulo momova! Metoya omatam ulo momova kala gigisa gala wala isim dimlela. E mokwita wala tomota taitala taitala tomomova isisu, la momova makawala myala yagila,

⁶kaina makawala kaikobu wala. Komwaidona avaka avaka tauvagi tavigimakavi wala. Takatuguguli bidubadu guguwa, mitaga gala tanikoli availa bikau.

⁷Mwa Guyau! Avai vavagi tuvaila bapikwaku? Ulo pikwaku kammwaleta wala yoku.

⁸Mapaila kukwatumovaigu metoya komwaidona ulo mitugaga, deli gala bukutagwala toninagowa bigigilaigusi.

⁹Yeigu balumgwa wala, e gala kwaitala biga balivali, paila yoku wala lokuvigakaigu lalumkoli mmayuyu makawala baisa.

¹⁰Yeigu makateki wala bakaliga metoya om lewa, mapaila taga kumipukwaigu[98] tuvaila!

¹¹Deli m kwatugasisi kumipuki tomota paila si sula, e makawala liwoliusa la paisewa, yoku kuyogagi avaka iiyebwailisi. E mokwita wala tomota la momova makawala myala yagila.

¹²Mwa Guyau! Kulagi ulo nigada, deli kunakaigali ulo dou. Avai tuta bavalam kuma kuvisimolaigu. E yeigu basiwousa[99] wala tuta pikekita baisa yoku, makawala komwaidosi tubugwa omitibogwa.

¹³Mapaila kusilavaigu, e igagabila banevikoli sitana nanogu kala mwamwasila, oluviga bakaliga e batamwau.