Read Kilivila SAM 45 Bible Online

SAM 45 - Kilivila bible

SAM 45

¹Biga kweminabwaita ivakasau nanogu, avai tuta abutu mapilana wosi paila ulo guyau. Makawala matausina kwegivayelu saina kasi tovagi leilai, e makawala wala mapilana agu wosi ikanumakava onanogu.

²E yoku saina tomitabwaila oluwalaisi tauwau, e yoku goli tobigitomoya. Yaubada tuta komwaidona leimitukwaiyaim.

³Mwa! Guyau topeuligaga, kusipukikiti m puluta. Yoku saina toguyugwayu deli giyouveka.

⁴Bukusila om wosa deli kam kwatububula, e bukusaitaula wala bukutomgwaga, e bukupilasi vavagi kwekamokwita deli karaiwaga duwosisia. M peula bivigakaim bukutomgwaga sainela tuta komwaidona.

⁵M kwaiyala saina kaikikakata ibisibolu kukusi kam tilaula. E boda ituwoli ituwoli ikapusisi okwaibakwaim.

⁶E kabokwaraiwaga makwaina Yaubada eisakaim bikanuvagasi e gala biwokuva goli. Kuguyoi m tomota deli m kwaraiwaga duwosisia.

⁷Kuyebwaili avai vavagi duwosisia e kukoulovi avai vavagi gaga. Baisa uula Yaubada, m Yaubada goli, einagaim, e isakaim mwasawa ikalisuwoli avaka eisisaiki avai gweguya ituwoli.

⁸E maiinela bulami mro deli lileikoya okam kwama. Towaisi gita iyomwasalaisi nanom om ligisa, makwaina ikatububulaisi deli doga.

⁹M kwaukweda vivilela baisa gweguya wala litusia, e om takaikaia opilakakata itoli giyouvila, minana eisisikoma kala katububula saina kweminabwaita goula.

¹⁰Ve! Yokula la kwava guyau, kunakaigali avaka balivala! Kulumwelavi m tomota deli veyamwa.

¹¹E kam naminabwaita bivigaki guyau saina magila yoku. Matauna wala kam tokwaraiwaga, mapaila ibodaim bukukwabikuwoli matauna.

¹²Mina Taia bimiakaimsi bobwailila, e toliguguwa bivigikonaisi ammakawala bitavileisi nanom.

¹³Minana latula guyau isisu olumoulela ligisa - saina naminabwaita minana! La sedobobu ibubulokaisi wala goula.

¹⁴Eisikoma la sedobobu miyana kala vau bidubadu e ivakoulisi minana imiakaisi guyau. otuboulola ibokulaisi vivila kala nabwakuli, e minasina deli wala imiakaisi matauna.

¹⁵E deli si mwasawa leimaisi leisuvisi ola ligisa guyau.

¹⁶Yoku ulo guyau ibodi bukubani bidubadu litumwa tauwau, kidamwa dalem bikwaiveka e biguguyausi goli. E bukuvigaki matausina bitokwaraiwagasi odubasi valu watanawa komwaidona.

¹⁷Yeigu bakaigali bulogam metoya okagu wosi tuta komwaidona e gala kala kalitutila, e komwaidosi wala biyakawolaimsi tuta tuta e gala wala biwokuva.