Read Kilivila SAM 57 Bible Online

SAM 57 - Kilivila bible

SAM 57

¹Mwa! Yaubada, kunokapisaigu. Anigadaim kunokapisaigu, paila bogwa lamakaiam mwada bakwala. Okaikonigulela pinupanem[127] abani ulo kabokwala e basisu wala igau avai tuta utuyagila kala koulusa[128] biwokuva.

²Adou baisa Yaubada, matauna Saina Towalakaiwa.[129] Yaubada matauna bisisakaigu komwaidona avaka bibodaigu.

³Matauna bimapu ulo dou metoya wa labuma e bikolaigu. E matauna bikalisau agu tolamadada. Yaubada bimitukwaiyaigu deli la kimadagi.

⁴Agu tilaula itoulaigusi itopataigusi. Matausina makawala minasina laiyoni bogwa eikomtausi, kudusi makawala silamata deli kaiyala, e mayesi kala kakata makawala kema kala kakata.

⁵Mwa Yaubada! Kukimitali m tovakaigaga metoya wa labuma, e deli m guyugwayu odabala valu watanawa komwaidona.

⁶Agu tilaula ilavaisi wota mwada bakola e biyosaigusi, e yeigu nanogu saina mmayuyu. Matausina ikelaisi mlopu ogu keda, mitaga titoulesi wala iluulousi.

⁷Mwa Yaubada! Yeigu gala sitana aninayuwa, e bogwa wala bawosi deli bayakawolaim metoya olumoulegu komwaidona. Bavagi bibwaina wawai ulo gita deli ulo yuka,[130] e ibodi bayommati kalasia.

⁹Mwa Guyau! Yeigu banokagutoki baisa yoku oluwalaisi boda ituwoli ituwoli, e bayakawolaim oluwalaisi tomota komwaidosi.

¹⁰M mitakwai ilʹo ikalivi gawata, e m kimadagi ila isakaila labuma.

¹¹Mwa Yaubada! Kukimitali m tovakaigaga metoya wa labuma, deli m guyugwayu odabala valu watanawa komwaidona.[131]