Read Kilivila SAM 59 Bible Online

SAM 59 - Kilivila bible

SAM 59

¹Mwa Yaubada! Kukolaigu metoya agu tilaula, e kuyamataigu metoya baisa matausina availa availa iwawaigusi!

²Kukolaigu metoya baisa matausina tomitugaga. Kukolaigu metoya baisa matausina tokatumata!

³Kugisi! Matausina eitulotulasi wala paila bikatumataigusi. Tovakatutuki matausina isisiulaigusi wala. E Guyau, baisa gala paila kwaitala mitugaga kaina sula avaka bogwa lavagi,

⁴e kaina avai pakula isisu owowogu, baisa uula binanakwasi bilosi osi kabosipepuni.

⁵Mwa! Guyau Yaubada Topeuligaga, kutokaia kuma kupilasaigu. Mwa! Yoku si Yaubada mina Isireli, kuma wala bigisaki matam! Kutokaia e kumipuki matausina gala inikolaimsi, e gala bukunokapisi tomitugaga matausina eipakaimsi.

⁶Koyavi matausina eikeiitasi, iguguvavilasi makawala kaukwa ititavinasi olopola valu.

⁷E kunakaigali si kauvikulu deli si kapoi. Mayesi makawala kema kala kakata oudosi, e idokaisi wala gala taitala ililagi matausina.

⁸Mitaga yoku Guyau kugigili wala matausina, e kuyosokani komwaidosi matausina gala inikolaimsi.

⁹Mwa Yaubada! Yoku wala agu tokwala, e gala wala aninayuwa paila m peula.

¹⁰Ulo Yaubada iyebwailigu e igau bimakaiagu. E matauna bitagwala bagisi agu tilaula bimamasi.

¹¹Mwa Yaubada! Gala bukukwatumati matausina, kaina goli ulo tomota bilumwelavaisi. Ibodi bukubutugigai matausina metoya om peula e bukukwalisau matausina. Yoku Guyau kama tokwalasi yoku.

¹²Mitugaga isisu oudosi, e si biga komwaidona mitugagawokuva wala. Ibodi matausina bikolasi wala metoya osi kaluvalova. Kukwatudoum matausina metoya om gibuluwa, paila uula ibubolatasi deli isisasopasi. Bukukwatudoum wala biwokuva. E oluvi komwaidosi wala binikolaisi Yaubada iguguyoi mapilana Isireli, e la karaiwaga ikaligiaki ovalu watanawa komwaidona.

¹⁴Koyavi agu tilaula eikeiitasi, iguguvavilasi makawala kaukwa ititavinasi olopola valu,

¹⁵kaina makawala kaukwa inainevisi paila kaula, deli iguguvavilasi kidamwa gala touna ibanaisi.

¹⁶Mitaga yeigu bawosi wala paila m peula, kaukwau kwaitala kwaitala bakapiniveka wosi paila m mitakwai. Yoku bogwa okuvagi agu tokwala, e yoku ulo kabokwala ogu tuta mwau.

¹⁷Yeigu bayakawolaim wala yoku agu tokwala. Agu tokwala kammwaleta wala Yaubada, e Yaubada matauna goli iyebwailigu.