Read Kilivila SAM 62 Bible Online

SAM 62 - Kilivila bible

SAM 62

¹Bavinagai paila Yaubada bikolaigu. Yeigu akakana baisa wala matauna kalamwaleta.

²Kalamwaleta wala Yaubada itabodaigu e ikolaigu. Matauna wala agu taboda, deli gala avai tuta bamama.

³Ki, ammakawala woloula komwaidomi bukuwawaigusi? Paila yeigu ulo peula makawala kwaitala kali kwedadaimi.

⁴Yokomi mesinaku wala kudokaisi mwada bukuvabwaigusi metoya ogu kwabosisu walakaiwa. Yokomi kuyebwailisi wala sopa. Yokomi kami udokaiwa wala kukwabwailigusi, mitaga olumoulemi kubulotaigusi wala.

⁵Yeigu akakana wala baisa Yaubada kalamwaleta, e ulo pikwaku basaili baisa wala matauna.

⁶Kalamwaleta wala Yaubada itabodaigu e ikolaigu. Matauna wala agu taboda, deli gala avai tuta bamama.

⁷Agu kwatumova deli agu taimamila metitoya baisa Yaubada. Matauna agu tokwala topeula. Matauna ulo kabokwala.

⁸Yokomi ulo tomota,[136] kudubumaisi Yaubada tuta komwaidona. Kukwamitulaisi komwaidona kami mwau baisa matauna, paila matauna da kabokwalasi.

⁹Tomota komwaidona makawala tiliawai wala. Gweguya deli tokai makawala wala gala isim dimlesi. Kusaili matausina odabala kaivisaikola e gala wala mokaisi. Yagisa goli isim mokaila, mitaga matausina gala wala mokaisi.

¹⁰Taga bukudubumaisi mi gasisi, e taga bukunakusisi mwada bukubanaisi avaka metoya olubulebu. Kaina goli mi guguwa bukukwatumkulovi, mitaga gala bukudubumi vavagi makwaisina.

¹¹Mimilisi tuta lalilagi Yaubada eilivala kidamwa peula baisa matauna la vavagi,

¹²deli kidamwa la yebwaili gala isim kala kalitutila. Mwa Guyau! Yoku wala titoulem kumapu tomota taitala taitala makawala avaka bibudoki la wotetila.