Read Kilivila SAM 7 Bible Online

SAM 7 - Kilivila bible

SAM 7

¹Mwa! Guyau ulo Yaubada, lamakaiam paila mwada bakwala. Kukolaigu deli kukwatumovaigu metoya baisa komwaidosi matausina eivakulaigusi.

²Taga bivigakaigusi makawala laiyoni bikalileuwaigusi, bilauwaigusʹo ambaisa gala taitala ibodi bipilasaigu, e baisa bikomtumtaigusi.

³Mwa! Guyau ulo Yaubada, ka — kidamwa availa layogagi, kaina lakasali taitala lubaigu, kaina layogagi agu tilaula avai tuta gala isim uula paila bavagi makawala — kidamwa bogwa lavagi kwaitala sula makawala makwaisina,[13]

⁵e bwaina wala bukutagwala agu tilaula bivakulaigusi e biyosaigusi. Kutagwala bikatuyowaigusi deli bikatumataigusi e biligaiwaigusi tokaliga bakanukwenu!

⁶Mwa Guyau! Ibodi bukutokaia deli m gibuluwa, e bukupiaigu metoya agu tilaula osi gidaleiya. Mwa! Kuvigimamalu kutokaia kuma kupilasaigu, paila yoku wala magim karaiwaga duwosisia.

⁷Mapaila kukouguguli tomota komwaidona, e bukuguyoi[14] matausina metoya om valu walakaiwa.

⁸Yoku wala kasi toyakala tomota komwaidona ambaisa ambaisa ovalu watanawa. Mwa Guyau! Ibodi bukukwabwailigu ogu yakala, paila yoku kunikoli yeigu tobwaila wala.

⁹Yoku wala Yaubada tomitukwaibwaila. Kuiyakali ma nanamsasi deli avaka magimasi. Ibodaim wala bukubuyoyu si mitugaga matausina tomitugaga, e bukumapu matausina iuvagaisi bwaina.

¹⁰Yaubada matauna agu tokwala, e ikoli matausina availa availa ikabikuwolaisi matauna.

¹¹Yaubada matauna toyakala duwosisia, e tuta komwaidona ikamogi availa availa matausina tomitugaga.

¹²E kidamwa gala bivigivauwaisi si kidakeda, Yaubada bogwa bisimati la kema. Bikatubiasi la kaiyala e bitulotula wala.

¹³E bikau guguwala kabilia e biiyamwasi la kaiyala deli kovala.

¹⁴Kugisi ammakawala tomitugaga ininanamsaisi avai mitugaga avai mitugaga. Ikikeiwalaisi avai pakula bivagaisi, e ikatuduvidavisi.

¹⁵Matausina eilaleiyasi mwada kasi sikula sesia, mitaga titoulesi wala iwawaisi.

¹⁶E mapaila baisa ibodasi kasi mipuki[15] paila si mitugaga, e ibodasi kasi mmayuyu metoya osi segasisi.

¹⁷Anokagutoki baisa Guyau paila la karaiwaga duwosisia[16] e ausiwosi kala yakaula Guyau Saina Towalakaiwa Sainela.[17]