Read Kilivila SAM 72 Bible Online

SAM 72 - Kilivila bible

SAM 72

¹Mwa Yaubada! Kuvituloki guyau kidamwa biyakali la tomota metoya yoku om mitukwaibwaila. Bukupati m kwaraiwaga duwosisia baisa matauna,

²kidamwa biguyau odubasi m tomota deli karaiwaga duwosisia, e bigiyoubwaila baisa matausina eibodasi lamadada.

³Ibodi viloumwaidona valu bisibwabwailasi, uula goli m mitukwaibwaila.

⁴Ibodi guyau biyakali tonamakava metoya karaiwaga duwosisia. Ibodi bipilasi matausina availa availa eibodasi mwau, deli bikalisuwoli kasi tolamadada.

⁵Ibodi m tomota bitapwarorusi baisa yoku makawala kala kaduwonaku kalasia bititapi, e makawala kala kaduwonaku tubukona bilumalama, igau tovana valu bima.

⁶Ibodi tomota bilumkolaisi guyau la giyoubwaila makawala kuna ikukuni bagula, e makawala kunobisibasi ovalu komwaidona.

⁷Ibodi bubunela bwaina bikaligiaki valu ola tuta tomomova guyau, e valu viloumwaidona bisibwabwailasi makawala kala kaduwonaku tubukona bilumalama.

⁸Matauna la kabokwaraiwaga kala kwaiveka metoya pilatala bolita bila itobu piliyuwela,[151] e metoya makaduyona Waya Yupereiti bila itobu okala vigimkovila valu watanawa.

⁹Tolesi viloupakala bikululusi omatala matauna, e kala tilaula bikavaginasi opwaipwaia.

¹⁰Guyousi Sipeini e simla[152] guyousi bisakaisi si bobwailila baisa matauna, e guyousi Arebia deli Idiopia bisemakavaisi baisa matauna.

¹¹Gweguya komwaidosi bikululusi omatala matauna, e komwaidona boda ituwoli ituwoli biwotitalaisi matauna.

¹²Ikoli tonamakava availa availa idousi baisa matauna, deli goli matausina eibodasi mwau, e deli tuvaila tosigumalawa.

¹³Inokapisi tomamama deli tonamakava, e ikatumovi matausina eibodasi mwau,

¹⁴Ikoli matausina metoya tolamadada deli togigasisi, e si momova eivigaki veiguwatoula.

¹⁵Guyauwʹe - guyau! Ibodi goula metoya mapilana Arebia bitasaiki matauna, deli tuta komwaidona bitanigada paila matauna. Ibodi Yaubada bimitukwaii matauna tuta komwaidona.

¹⁶Ibodi mapilana valu bikasewoki kaula, deli bagula wa koya bikabinai sainela, kasi kabinai makawala mina Lebanoni si bagula. Ibodi vilouvakaveka bipulupuloluwa tomota, makawala mnumonu osaivau.

¹⁷Ibodi Guyau yagala gala avai tuta bitamwau, deli bulogala bikanuvagasi makawala kalasia ikanuvagasi. Ibodi komwaidona boda ituwoli ituwoli biyakawolaisi matauna. Ka, ibodi binigadasi mwada Yaubada bimitukwaii matausina, e deli binigadasi kidamwa guyau nanola bimwamwasila.

¹⁸Kala yakaula Guyau,[153] matauna mina Isireli si Yaubada! Kalamwaleta wala matauna iuvagi makwaisina vavagi kabokatubau.

¹⁹Bitayakawolaisi matauna Toguyugwayu tuta gala wala biwokuva. Ibodi komwaidona valu watanawa bikasewoki kala katububula. Emeni! Emeni!

²⁰Mapilana goli kala vigimkovila la nigada Debida, matauna Yese latula.