Read Kilivila SAM 76 Bible Online

SAM 76 - Kilivila bible

SAM 76

¹Yaubada kala nikoli isisu mapilana Yuda, e mina Isireli ititemmalaisi matauna.

²Matauna ibudi la valu mapilana Yerusalem, e imili valu mapilana Koya Saiyoni.[162]

³E mapilana baisa ikouwoli tilaula si kaiyala, deli si vayoula, si kema, e komwaidona goli si guguwa paila kabilia.

⁴Mwa Yaubada! Saina toguyugwayu yoku! E avai tuta kukwalisau kam tilaula e kukwaimilavau metoya wa koya, kayakawolaimsi goli saina giyouveka yoku.

⁵Kam tilaula si kumatoula si guguwa komwaidona paila kabilia bogwa lokuvayouli, e baisa tuta ikanukwenusi tokwaliga wala komwaidosi. Komwaidona si peula deli si katavatu gala wala dimlela.

⁶Avai tuta yoku Yekobe la Yaubada kuvitukukoli matausina, si wosa deli kala tosisila matausina ikapusisi wala ikaligasi.

⁷Mitaga yoku Guyau ikukolaimsi tomota komwaidosi. Gala taitala ibodi bitotu omatam avai tuta bukugibuluwa.

⁸Lokuyomitali m kwaraiwaga duwosisia metoya wa labuma. Avai tuta lokutokaia paila bukuyakala, mwada bukukwatumovi komwaidosi matausina eibodasi kasi lamadada ovalu watanawa, e tuta matutona mina watanawa ikokolasi e ikikwatusi wala.

¹⁰Tomota si gibuluwa bivigaki tuvaila wala kam yakaula. Matausina tomota leikesasi okabilia bipakapakasi wala makwaisina kam paka.

¹¹Kusakaisi Guyau mi Yaubada avaka bogwa kukwatotilasi baisa matauna. Yokomi komwaidomi boda ituwoli ituwoli otalila, kumaiyaisi mi bobwailila baisa matauna. Yaubada ivigaki tomota bikukolaisi matauna.

¹²Ivabu gweguya veisia tokamnomwana, e ivitukukoli matausina gweguya tovakaveka.