Read Kilivila SAM 79 Bible Online

SAM 79 - Kilivila bible

SAM 79

¹Mwa Yaubada! Matausina gala inikolaimsi bogwa leisuvisi mwada biyoulisi m valu. E matausina bogwa eiyogwalaisi m Bwala Kwebumaboma, deli eiligaimwaisi mapilana Yerusalem kwedadaimi wala.

²E matausina eiligaimwaisi uwosi m tomota paila mluveka bikamsi, e uwosi m towotetila paila mauna nabubolodila bikomasi.

³E matausina ivigakaisi m tomota buyavisi ibubusi makawala sopi, e buyavisi ititayelu makawala sopi olopola mapilana Yerusalem, deli gala taitala isisu paila bikalibekwa tomata.

⁴Boda ituwoli ituwoli otalila ikikatudeuwaimasi, e matausina igigilaimasi deli iyosokanaimasi.

⁵Mwa Guyau! Ki - m gibuluwa[173] baisa yakamaisi gala wala biwokuva? Kaina kam leiya bisisu wala bilululu makawala kova?

⁶Kukivili m gibuluwa bilokaia boda ituwoli ituwoli gala itapwarorusi baisa yoku, e deli matausina gala ininigadasi baisa yoku.

⁷Paila uula matausina bogwa eikatumataisi m tomota, e deli eikatudidaimisi m valu.

⁸Taga bukumipukwaimasi paila si mitugaga tubumaiasi. Kunokapisaimasi lagaila. Ma pikwakusi komwaidona bogwa eitamwau.

⁹Mwa Yaubada! Kupilasaimasi, deli kukwatumovaimasi. Kukolaimasi deli kuligaiwa ma mitugagasi, e baisa bivigaki kam kwamaiaba.

¹⁰Avaka paila boda ituwoli ituwoli bikatupoiyaimasi, kawasi, “Ki, ambaisaga mi Yaubada?” Kutagwala bakagisaimsi yoku bukumipuki boda mabudosina paila mapula buyavisi m towotetila.

¹¹Kunakaigali si kayagigila matausina okatupipi, e metoya om peuligaga kutaneku matausina availa availa kasi mipuki mwada kaliga.

¹²Mwa Guyau! Kumipuki mabudosina boda ituwoli ituwoli biboda sivalima sivayu, paila uula si kauvikulu baisa yoku.

¹³Mitaga yakamaisi m tomota, e m sipi metoya om yawa, bakanokagutokisi baisa yoku tuta gala biwokuva, deli bakayakawolaimsi tuta komwaidona e gala kala kalitutila.