Read Kilivila SAM 8 Bible Online

SAM 8 - Kilivila bible

SAM 8

¹Mwa Guyau! Ma Guyausi[18] yoku. Komwaidosi mina watanawa ivitusaimsi yoku saina Tovakaigaga. Yoku kam yakaula saina walakaiwa,

²e gugwadi deli pwapwawa iusiwosisi kam yakaula. Yoku kusibwabwaila e gala gagabila kam tilaula biyogagaimsi, e availa availa ikoulovaimsi, yoku kusilibodi wala.

³Kidamwa bakowana wa labuma, baisa m bubuli wala, kainaga tubukona deli utuyam agigisi, baisa lokusaili okabasi,

⁴e kawagu, “Wa! Avakaga tomota kidamwa bibodi bukuninamsaimasi? E yakamaisi gala kama yeiwausi, kidamwaga bukuvaulaimasi???

⁵Mitaga ka! Bogwa lokulupaimasi bakasisuaisi osikowam[19] e yokugwa odubamaisi, e lokukwali odubamaisi kama dagulasi yakaula deli taimamila.

⁶Lokuvasanaimasi bakakaraiwogaisi[20] komwaidona m bubuli. E lokuvigakaimasi vidubalela komwaidona m bubuli.

⁷odubasi komwaidona bulutuvalu, deli goli bolodila komwaidona,

⁸mauna nayoyowa deli yena, deli avai mauna avai mauna otukutaku.[21]

⁹Mwa Guyau! Ma Guyausi yoku. Komwaidosi mina watanawa ivitusaimsi yoku saina Tovakaigaga.