Read Kilivila SAM 83 Bible Online

SAM 83 - Kilivila bible

SAM 83

¹Mwa Yaubada! Gala bukulumgwa wala bukusisu! Gala bukuminumki wala, deli gala bukukwapatu

²Mwa! Kugisi, kam tilaula bogwa eikosomapwaimsi, deli matausina eivigakaimsi tokukolosi eikikominimanisi baisa yoku.

³Matausina eikiumsi eininamsaisi mwada biyogagaisi m tomota, e ikikeiwalaisi matausina availa availa lokukoli.

⁴Kawasi, “Kumaisi, tamwaisi takatudoumwaisi mabudona si boda, e mapaila baisa mina Isireli kasi luluwai bitamwauvagasi.”

⁵Matausina bogwa eininatalasi avaka eininamsaisi, e leikatukwaitalasiga mwada avaka bivigakaimsi.

⁶Matausina goli mina Edom deli mina Isimeili,[183] mina Mowabi deli mina Agiri,

⁷mina Gebali, mina Amoni deli mina Amaleki, e mina Pilisitia deli mina Taia.

⁸Mina Asiria tuvaila bogwa eisepitukwaisi deli matausina tubula Lota, matausinaga mina Amoni deli mina Mowabi, e ivigaki si katukwaitala saina peula.

⁹Kuvagi baisa matausina makawala avaka lokuvigaki mina Midiani, deli avaka lokuvigaki Sisera sola Yabini mapilana wa Waya Kisoni.

¹⁰Yoku kukwalisau matausina mapilana Enidora, e uwosi isoboginasi wala opwaipwaia.

¹¹E kuvagi baisa matausina kasi tokugwa makawala avaka lokuvigaki Oreba sola Seeba. Kukwalisau komwaidosi kasi tokwaraiwaga makawala lokuvigaki Seba sola Salumna.

¹²Matausina eilivalasi kawasi, “Bitayoulisi Yaubada la pwaipwaia e bitayosisi da pwaipwaiasi.”

¹³Mwa Yaubada! Kubutugigai matausina makawala tubumyou, e makawala goli wawa yagila biyuvisau bilau.

¹⁴Kubokavili matausina bilosi metoya om utuyagila, e kuvitukukoli matausina metoya om yagila saina minimani, makawala kova eigigabu lawodila, e makawala goli mayela kova eilululu otapwala koya.

¹⁶Mwa Guyau! Kuvigaki migisi bidavila e mmosila wala bikatumati, e kuvagi bisimokwitasi m peula.

¹⁷Ibodi matausina bimamasi deli bikokolasi tuta komwaidona, e ibodi bikaligasi deli kasi mmosila sainela.

¹⁸Kuvagi binikolaimsi yoku kammwaleta wala Guyau, e yoku wala Giyoumatala odabala pwaipwaia komwaidona.