Read Kilivila SAM 86 Bible Online

SAM 86 - Kilivila bible

SAM 86

¹Mwa Guyau! Kunakaigalaigu e kuvitakaulokaigu, paila gala agu topilasi, deli bogwa eimama wowogu.

²Kukolaigu metoya okaliga, paila uula akatilavaigu baisa yoku. Kukwatumovaigu, paila yeigu m towotetila, deli adubumaim goli.

³Yoku ulo Yaubada, mapaila baisa kunokapisaigu. Aninigada baisa yoku yam komwaidona.

⁴Mwa Guyau! Kuyomwasali m towotetila, paila uula ulo nigada imweimwenasi baisa yoku wala.

⁵Yoku kumitukwaibwailimasi, deli kuligaiwa ma mitugagasi. Yoku kumitukwaii availa availa matausina inigadasi baisa yoku.

⁶Mwa Guyau! Kunakaigali ulo nigada, e kulagi ulo dou paila pilasi.

⁷Adou baisa yoku otutala mwau, paila uula kummapu ulo nigada.

⁸Mwa Guyau! Gala taitala yaubada makawala yoku, gala taitala eiuvagi makawala yoku lokuuvagi.

⁹Komwaidona boda ituwoli ituwoli okububuli igau bimaisi bikululusi baisa yoku. Matausina biyakawolaisi m tovakaigaga.

¹⁰Yoku saina topeuligaga, deli kuuvagi vavagi saina kabokatubau. Yoku kammwaleta wala Yaubada.

¹¹Mwa Guyau! Kuvitulokaigu avaka nanom bavagi, e bakabikuwolaim deli ulo kimadagi. Kuvitulokaigu ammakawala bawotitalaim deli ulo ninatotila.

¹²Mwa! Guyau ulo Yaubada, yeigu bayakawolaim metoya onanogu komwaidona, e bakamituli m tovakaigaga tuta gala wala biwokuva.

¹³Ina vakaigaga m mitakwai paila yeigu! Yoku bogwa kukwaliduboli agu laka.

¹⁴Mwa Yaubada! Tomota tokaluvalova leimaisi mwada avaka bivigakaigusi, e budotala matausina tovakatutuki eivigikonaisi mwada bikatumataigusi - tomota matausina totuvigaki wala!

¹⁵Mitaga yoku Guyau Yaubada tonokapisi deli toyebwaili, tuta komwaidona tomanum, tolilalasi deli tokimadagi.

¹⁶Kutovilakaigu deli kunokapisaigu. Kukwatupewolaigu deli kukwatumovaigu, paila uula lauwotitalaim makawala inagu eivigakaim.

¹⁷Mwa Guyau! Kuvitulokaigu avai vavagi bibudoki m giyoubwaila. E avai tuta matausina eivigakaigusi tokukolosi yeigu bigisaisi kidamwa yoku kuvisimolaigu deli kupilasaigu, matausina bogwa wala bimmosilasi.