Read Kilivila SAM 95 Bible Online

SAM 95 - Kilivila bible

SAM 95

¹Kumaisi bitayakawolaisi Guyau. Bitawosisi deli mwasawa baisa Yaubada kada Tokwalasi.

²Bitamaisi baisa omatala deli nokagutoki, e bitawosisi wosila yakaula deli mwasawa.

³Paila Guyau matauna Yaubada Topeuligaga. Matauna Guyau Topeuligaga odubasi avai yaubada avai yaubada.

⁴Iguguyoi komwaidona valu watanawa metoya avai uveya osikowala pwaipwaia bila odabala avai koya saina kwaiveka.

⁵Iguyoi bolita makwaina eibubuli, e tuvaila pwaipwaia makwaina ibubuloki yamala.

⁶Kumaisi bitakululusi bitatapwarorusi baisa matauna. Bitapopula kwaitutudasi baisa omatala Guyau kada tobubulaisi.

⁷Matauna goli da Yaubadasi. Yakidasi la tomota e ivaulaidasi, e yakidasi la yawa, ikamovaidasi. Ka, yam lagaila bukulagaisi la biga avaka bilukwaidasi.

⁸Kawala, “Taga bikasai dubami makawala tubumia mapilana Meriba, makawala yam makwaina mapilana Masai oviloupakala.

⁹Mapilana valu eiwakolaigusi imnabaigusi, kalubikoya eigisaisi avaka lavagi paila matausina.

¹⁰E kweluwovasi taitu akasilali tomota matausina, kawagu, ‘Saina tokowolova matausina, bogwa eipakaisi bikabikuwolaisi ulo karaiwaga makwaisina.’

¹¹Mapaila agibuluwa e alivala biga katotila saina mwau, kawagu, ‘Yokomi gala avai tuta bukusuvisi mapilana valu, mapilawena mwada basakaimi mi kabovaiwasi.’”