Read Kilivila SAM 96 Bible Online

SAM 96 - Kilivila bible

SAM 96

¹Bitawosisi wosi pilavau baisa Guyau, Bitawosisi baisa Guyau komwaidodasi yakidasi mina watanawa.

²Bitawosisi baisa Guyau, e bitayakawolaisi matauna. Yam yam bitakamitulaisi bulogala bwaina kidamwa bogwa eikatumovaidasi.

³Bitakamitulaisi matauna saina toguyugwayu baisa boda ituwoli ituwoli, e la vavagi topilaveka baisa mina watanawa.

⁴Guyau matauna toveka, e ibodi kala yakaula saina kwaiveka, biboda kala taimamila odubasi komwaidosi yaubada.

⁵Boda ituwoli ituwoli si yaubada tokoluwokuva wala, mitaga da Guyausi eibubuli labuma komwaidona.

⁶Kala kalugologusa visigala saina guyugwayu sainela isisu baisa matauna. Peula deli vavagi kweminabwaita ikasewoki la Bwala Kwebumaboma.

⁷Komwaidodasi mina watanawa, bitayakawolaisi Guyau. Bitayakawolaisi kala katububula deli la peuligaga.

⁸Bitayakawolaisi matauna Guyau Toguyugwayu. Deli da semakavaisi tasuvisi ola Bwala Kwebumaboma.

⁹Avai tuta matauna Tobumaboma iyoumatila, takavaginasi baisa omatala. Kutatuvasi baisa omatala, komwaidomi mina watanawa.

¹⁰Talivalasi baisa komwaidona boda ituwoli ituwoli, “Guyau matauna goli Guyau. Eisaili valu watanawa okabala, gala availa gagabila biyagi. Matauna la yakala baisa mina watanawa deli karaiwaga duwosisia.”

¹¹Valu watanawa deli walakaiwa, bukumwasawasi. Bolita deli maunem, kaigami kaigaveka bukugovasi,

¹²e bagula deli avaka avaka isusinasi bukumwasawasi. Kai olawodila bigovasi deli mwasawa

¹³avai tuta Guyau bima biguyau baisa ovalu watanawa. Matauna biguyoi tomota odabala pwaipwaia metoya ola karaiwaga duwosisia deli la kibobuta.