Read Kilivila BIGIVAKALA 5 Bible Online

BIGIVAKALA 5 - Kilivila bible

BIGIVAKALA 5

¹Ka latugu, kumanum e kunakaigali avaka ulo kabitam deli ulo katavatu.

²E bogwa bukunikoli ammakawala bukububuna bwaina, e deli m biga biyomitalaim yoku toninitalapula.

³E kaina goli tomota ituwoli la kwava bilubalola saina simokainia makawala kitorina kala simokainia deli la vayaula makawala bulami olibe manumla,

⁴mitaga avai tuta makwaisina biwokuva, e minawena bisilavaim gala wala avaka kala bwaina, mitaga yayana wala deli tiganini.

⁵E minawena bilauwaim wa Tuma; paila makadana eilalouya baisa okedala wala kaliga.

⁶Paila minawena gala isisu okedala momova, mitaga iwowau wala, mapaila gala goli inikoli vavagi makwaisina eiuvitoulai.

⁷Litugwa, kunakaigalaigusi, deli gala avai tuta bukulumwelavaisi avaka lalukwaimi.

⁸Kuleila metoya baisa vivila makawala minana! Deli taga bukula katitaikinela ola kabosusuvi!

⁹Ka, kidamwa bukula makawala, taivilesi bikulaisi kasi kamaiaba makwaina igau lokukulibogwi, e deli totubovau wala yoku bukukwaliga metoya oyumasi matausina gala tonokapisi.

¹⁰E tomitawasi bikauwaisi komwaidona m guguwa; e deli avaka lokutakuni metoya om paisewa, tokwabi bimileiwau.

¹¹E yoku bukukwanutomata okabam bukukwayagigila, e wowom bogwa bibiyagila,

¹²e yoku bukulivala kawam, “Wa, avaka uula gala avai tuta atakutu? E avaka uula gala avai tuta atagwala taitala ituwoli bikiduwosisiaigu?

¹³E gala wala anakaigali agu tovituloki si biga. Gala wala amanum baisa matausina.

¹⁴E saina nanakwa wala titoulegu abani mmosila omitasi tobobawa.”

¹⁵E bukusaiki bobonam baisa m kwava titoulem deli bukuyebwaili kalamwaleta wala minana.

¹⁶Gugwadi magudisina lokubani metoya vivila ituwoli gala wala avaka bivigakaimsi kam bwaina.

¹⁷Ibodi litumwa wala titoulem bitovakavekasi e bipilasaimsi wala, gala bipilasaisi tommakava.

¹⁸Mapaila bimwamwasila nanom baisa m kwava, e bukubani mmwasawa baisa minana kam vaigwadi.

¹⁹Minawena saina naminabwaita deli nabwegigia makawala diya. Ibodi la yebwaili bivaulaim bivapataim.

²⁰Latugu, avaka paila yoku bukuyebwaili tuwoli vivila? Avaka paila ikau nanom la bubunela som la kwava?

²¹Guyau igigisi vavagi komwaidona lokuuvagi. E ambaisa ambaisa bukula, matauna imitakavataim.

²²La sula tomitugaga ivigaki kala sikula. E mapaila matauna ikola makwaina wotala la sula titoulela.

²³Matauna ikaliga paila uula gala iyamati titoulela. E la tubunagowa wala bivakaligi matauna.