Read Kilivila SOLOMONI KALA WOSI 2 Bible Online

SOLOMONI KALA WOSI 2 - Kilivila bible

SOLOMONI KALA WOSI 2

¹Yeigu makawala lalela Saroni kebolodila, makawala bwaimwara eitotusi oitayatila.

²Makawala kaitala bwaimwara eitowalai kaigunigwaini e makawala goli minawena lubaigu oluwalaisi vivila komwaidona.

³Makawala kaitala mokolu eitowalai kai komwaidona, e makawala goli matauna lubaigu oluwalaisi tauwau komwaidona. Saina ayebwaili basisu okaikonigulela, e uwala la kamkoni saina simokainigaga.

⁴Ilauwaigu obolela la kabokamkwam e matauna iyomitali agu yebwaili.

⁵Ka, bukukwatupewolaigu metoya kaiuwala waini, kuyomosalaisu metoya mokolu! Mapaila namwaidogu wala nakaliga baisa matauna.

⁶Yamala kikiwama avigaki agu kwabaikunu e yamala kakata iyobobwaigu.

⁷Yokomi vilemi Yerusalem, ibodaimi bukukwatotilasi mwau, mwada gala bukuyobosaimasi sogu lubaigu.

⁸Aligitoi kaigala lubaigu. Odubiluwotala koya leisisakaula leima, leiluvapela odubadabila leimmakaiagu.

⁹Lubaigu makawala natana dia, makawala natana namwala dia natubovau. Matauna itotu opapala taboda. E ititadoyai oponana e immitikipwana wa ninuva.

¹⁰Lubaigu ilukwaigu kawala. Ve, lubaigu, kumakaiagu, nambwailigu, kuma bitam.

¹¹Ka, tula kweluvala bogwa leiwokuva e kuna bogwa leidoudewa;

¹²valu viloutuboulola, lala bogwa leikatuyawaisi. E baisa tuta la tuta wosi wala; ka, kulegʹe bubuna leikukumdusi osaivau.

¹³Seuseu bogwa leimwenakavalasi; e matamsina waini lalela eipuyumi valu. Ve, lubaigu, kumakaiagu, nambwailigu, kuma bitam.

¹⁴Yoku makawala natana bubuna minana eikanupepuni okatakila dakuna. Ve, kusunapula bagisi migim bwaikwanela, e sitana balagi kaigam, biluba lopogu.

¹⁵Kuyosisi minasina ugiwagi, minasina nakikekita, taga bivagudaisi da sobulasi matamsina da wainisi, paila tuta baisa goli eilalalasi.

¹⁶Yeigu lubaigu matauna, e matauna lubaila yeigu. Iuvakam la yawa olukuvala bwaimwara

¹⁷e biyayosa wala tatoula bulubuvisiga bimya kala suwonumla bima e kawala yam biyumki. Mwa, lubaigu, kukwaimilavau kuma, makawala natana dia, kaina makawala natana nagwadi dia namwala odubiluwotala koyala Beteri.