Read Kilivila SOLOMONI KALA WOSI 4 Bible Online

SOLOMONI KALA WOSI 4 - Kilivila bible

SOLOMONI KALA WOSI 4

¹Lubaigu, saina wala namatabwaila yoku! Migim lokukwapoli, mitaga matam lagigisi ivivivilasi e saina wala migimbwailigu yoku. Kulum leiuwaimimila makawala yuwotala gota leidadailisi metoya wa koya Giliadi.

²Kudum pupwakaula makawala sipi minasina makateki wala leiviliwaisi unuunusi deli leivakakaiyaisi. Gala kaitala kudum isasa, komwaidona wala saina kasakutukutu.

³Bilubalom makawala mokakana bweyanila; e avai tuta bukubigatona, saina bwaina kala gigisa bitatai. E bwaikwanelaga kimwam lokukwapoli.

⁴Kaiyom makawala Debida la kabovatoi bolela, kaibobuta deli kaidudubuna. Deli makatupona kam kuwekuwa makawala lakatuluwotala vayoula eitavina eitapatu.

⁵Nunum nupiakwa, makawala nupoyu dia nabwegigia minasina eikikabubunasi opoulela bwaimwara.

⁶Yeigu bakanuvagasi wala okoyala mro deli okoyala makaisina maiina simasimina, tatoula wala bulubuvisiga bimya kala siwonumla bima e kawala yam biyumkwaigu.

⁷Ve, lubaigu, saina namatabwaila yoku, yoku kutubosaki goli!

⁸Ve, kagu vaigwadi, kumakaiagu bitabusi metoya koyala Lebanoni, kubusi kuma metoya odubiluwotala Koya Amana, metoya Koya Seniri deli goli Koya Emoni, baisa laiyoni deli lepodi si valu.

⁹Ve lubaigu, yoku agu vaigwadi, matam kumitakavataigu deli kam kuwekuwa makatupona lokusisikoma, baisa saina ikikau nanogu.

¹⁰Ve, lubaigu, yoku agu vaigwadi, agu yebwaili lokuuvagi, kaitigamla lopogu. m yebwaili kala bwaina ikalisau waini kala bwaina, e m bulami maiinela ikalisuwoli vana komwaidona.

¹¹Ve, lubaigu, kakamwenala bilubalom makawala kitorina kala sumokainia, e mayemga, makaina agu nunu deli agu kitorina. Deli kam kwarekwa kala simasimina makawala avai bulami avai bulami olopola Lebanoni.

¹²Lubaigu saina ayebwaili, minana agu vaigwadi, minana makawala kwaitala ulo gubokaeki. Akubibi kalila atavini atapatu, deli agumwaleta wala agu utuwotu.

¹³E bagula makwaina ivasusuni kai, makaisina ikaivakavekasi makawala gigiku e kaiuwasi saina kwaimmanabwaita. E makaisina vana gala kasi kweluva, bititasusilasi wala, silumwaiya, narida,[2]

¹⁴Kubila, bonagai deli gau kaina avai vana avai vana maiina simasimina. Mro deli lileikoya baisala mesususinasi deli goli komwaidona avai vana avai vana saina kaisimasimina.

¹⁵E sopi igigibwabula ivinumli bagula, sopi yeluyelu ititayelusi e sakala ititayelusi metoya koya Lebanoni.

¹⁶Yavata, kutokaia. Bolimila, kuuu kuma kuvisi ulo bagula, e maiina simasimina bipuyumi valu. Kuvagaisi lubaigu bima ola bagula e bikam kalamatabwaila.