Read Kilivila SOLOMONI KALA WOSI 8 Bible Online

SOLOMONI KALA WOSI 8 - Kilivila bible

SOLOMONI KALA WOSI 8

¹Ka, mwada yoku luguta yoku, deli inagu leivinunaim onunula. E kidamwa babodaim wa keda, bogwa wala baviyuwolaim e gala availa ibodi bikayuwaigu.

²E bavakoulim balauwaim ola bwala inagu, e baisa bukuvitulokaigu yebwaili kidikedala. E, bogwa bavimomwaim wainitoula, ulo waini metoya gigiku bukumom.

³Mwa, yamam kikiwama avigaki agu kwabaikunu, e yamam kakata kuyobobwaigu.

⁴Veve, yokomi vilemi Yerusalem, kukwatotilasi baisa yeigu, taga kuyobosaimasi sogu lubaigu.

⁵Avaivila minana leimaima metoya oviloupakala leikaipapasi wala sola lubaila leimaisi? Ouula makaina mokolu lavigulaim, ovalu makwaina leikapusiki kulum.

⁶Gala avaivila bitagagi nanom, mesinaku agumwaguta wala lubaim. Gala avaivila bukukwaipapi mesinaku agumwaguta wala. Kunikoli yebwaili la peula makawala kaliga kala peula. Kalubaila mokwita lutula makawala wala kaliga. Kalubaila kala lumkola makawala kova yuviyavila, bisubeilulu makawala kovatala kovasupa.

⁷Sopi gala gagabila biumati; dadoya gala gagabila bisuluwi. Mitaga kidamwa availa bivigikoli mwada bigimoli yebwaili metoya ola guguwa komwaidona, matauna bivigakaisi kabokakayuwa.

⁸Ka, lumetasi nagwadi wala, e nunula igau wala einupisi. Ammakawala bakavigakaisi kidamwa taitala tau bikasemwali minana?

⁹Kidamwa minana makawala valu kalila yakamaisi bakakaliaiyasi kwaitala la bulukubukwabuya silibawokuva wala. Mitaga kidamwa minana makawala kalapisilela valu ibodi bakakalitulaisi metoya makaina kweisila tabudotala la bwala paila bakayamataisi minana.

¹⁰Ka, yeigu makawala valu kalila, deli nunugu nupiakwa makawala bolela vatoi. Matauna lubaigu bogwa inikolaigu mapaila ayubwaila wala, abani ulo sibwabwaila.

¹¹Kwaitala Solomoni la bagula bigulela waini mapilana goli Beali Amoni. E tobigubagula iwotitalaisi bagula makwaina, e mapula uwala bagula, taitala taitala matausina bimpumapu lakatuluwotala siliba baisa matauna.

¹²E desi wala Solomoni ibodi biyosi mani magulona e matausina tobigubagula taitala taitala biyosi lakatuyu siliba paila kasi vilavila. Mitaga yeigu ulo bagula bigulela waini, agumwaleta wala gala taiyuwegu!

¹³Ve, lubaigu, kuvitakaula balagi kaigam olumoulela bagula, paila segwaia eitulotulasi wala bilagaisi kaigam.

¹⁴Mwa lubaigu, kumakaiagu, kuma makawala natana dia, kaina makawala natana nagwadi dia namwala odubiluwotala koya ambaisa avai vana avai vana eisususinasi.