Read Kilivila AISEA 55 Bible Online

AISEA 55 - Kilivila bible

AISEA 55

¹E Guyau ilivala kawala, “Tauwau, kumaisi availa availa yokomi kukwadakasi - ka, sopi baisa ka! Kumaisi yokomi gala isim mi mani - kugimwalasi kʹami e kukwamsi! Tauwau, kumaisi! E kugimwalasi kami waini deli kami nunu - e gala wala isim mipusi!

²E avaka uula kuyomadaisi mi mani paila vavagi makwaisina gala bitakomatasi ke? Avaka uula kuyomadaisi mapula mi paisewa e mitaga kami molu wala ke? Ka, kunakaigalaigusi e kuvagaisi avaka balukwaimi, e yokomi bukumwasawasi sainela paila kaula makwaina basakaimi kalumatabwaila mokwita.

³“Ulo tomota, kunakaigalaigusi e kumakaiagusi; kumakaiagusi, e bukumovasi goli! E yeigu bavigaki ulo kabutu bikanuvagasi deli yokomi deli basakaimi kami mitakwai makwaisina bogwa lakatotila baisa Debida.

⁴Yeigula lavigaki matauna kasi tokugwa deli kasi tokaraiwaga boda ituwoli ituwoli, e metoya matauna lavituloki mabudosina ulo peula.

⁵Ka, tuta baisa yokomi bogwa bukudouwaisi boda budomitawasi mabudosina omitibogwa gala inikolaimi, mitaga tuta baisa bisakaulasi bimakaiami! Yeigu goli Guyau mi Yaubada! Yeigu goli mina Isireli mi Yaubada tobumaboma, bavigaki komwaidona baisa bikaloubusisi, e yeigu basakaimi kami taimamila deli kami tulaula.”

⁶Ka, tuta baisa Guyau saina katitaikina, mapaila bukutovilakaisi matauna e bukunigadasi baisa matauna.

⁷Ibodi mina mitugaga bisilavaisi si kedakeda deli bivigivauwaisi si nanamsa. Ibodi matausina bitovilakaisi Guyau da Yaubadasi; matauna goli tonokapisi deli nanakwa biligaiwa da mitugagasi.

⁸Ka, Guyau eilivala kawala, “Tauwau, ulo nanamsa gala makawala mi nanamsa, deli ulo kidakeda gala makawala mi kidakeda.

⁹Ka, kugisaisi labuma saina walakaiwa sainela metoya ovalu watanawa, e makawala goli ulo kedakeda deli ulo nanamsa saina walakaiwa sainela metoya baisa yokomi.

¹⁰“E ulo biga makawala goli numla deli kuna, makwaisina ikikapusisi metoya wa labuma kidamwa bivinumlaisi pwaipwaia. E bivigakaisi yagogu bisusinasi e bikabinaisi paila yagogu deli paila kaula.

¹¹E makawala goli ulo biga makwaina lalilivali - biga makwaina gala ibodi binanota avaka bogwa laninamsi bivagi, e biga makwaina bogwa wala bivagi komwaidona vavagi makwaisina lawitali paila bivagi.

¹²“E yokomi bogwa bukusilavaisi Babiloni deli goli mi mwasawa, e bivakadaimi bivisunupuloiyaimi metoya ovilouveka deli goli vakota. E koya deli dubakaila komwaidona bikatuvitauwaisi kasi wosi, e kai komwaidona bidousi paila mwasawa.

¹³Ka, makatuposina ambaisa mwada kaigunigwaini wala eisususinasi, mitaga makateki reiyava bogwa wala bisusinasi baisa; e gumgwam bisusinasi ambaisa kaibisibasi mesususinasi. E makwaina kwaitala ulo kabutuvatusi ibodi bikanuvagasi tuta gala biwokuva, deli bivigaki kaboluluwai paila avaka yeigu Guyau bogwa lavagi.”