Read Kilivila ISIKELI 27 Bible Online

ISIKELI 27 - Kilivila bible

ISIKELI 27

¹E Guyau ilukwaigu kawala,

²“Mwa, yoku tau, kuwosi mapilana kaivalam paila Taia,

³mavilouna itotu olumata e igimlomapusi guguwa deli tomota matausina eisipitalaisi kawolawa. Kuluki mavilouna avaka Guyau Yaubada ilivala kawala. “Taia, yoku lokukwamnomwana paila kam gigisa saina bwaina.

⁴M valu baisa bolita. M tokwaliai ikaliakaimsi makawala kaitala waga kaimanabwaita,

⁵Matausina bikauwaisi kaga metoya Koya Emoni e bivigakaisi youdila deli kaitala kweisila metoya Lebanoni paila varia.

⁶Matausina ikauwaisi yawa metoya Basani paila bivigakaisi veiga; matausina imaiyaisi yayu metoya Saipirosi e ikaliaiisi kam todada. E ikatububulaisi dogawokuva wala.

⁷Layem ibisikaisi karekwa, miyawena yaginigini metoya Itipita, e kaduwonaku mitaga miyana kaivitusibwaila. E karekwa yamatabwaila ivigakaisi tabodam. Miyana kala vau dairarugu metoya simla Saipirosi.

⁸Kam tokuyuva matausina metoyasi oviluwesi Saidoni deli Abadi. M toginoli matausina goli m tomota tatoum mina luguta.

⁹M toyowaga matausina saina mina kataraki metoya Bibilosi. Tokaikokewa metoya komwaidona waga obolita matausina igimlomapusi olumoulela m guguwa bolela.

¹⁰“Tokabilia tolesi Pesia, Lidia, Libia eiwotetilasi osi boda m tokabilia. Matausina ilasoyasi si vayoula deli kasi kulupewa osi bwala m tokabilia. Matoulesi goli iyomitalaisi kam yakaula.

¹¹Tokabilia metoya Abadi iyausaisi kalim, tokabilia metoya Gamadi iyausaisi bolem kwaiwonaku. Matausina ilasoyasi si vayoula okalim. Matoulesi goli leivigakaimsi kam gigisa bwaina.

¹²“Yoku kulau m guguwa mapilana Sipeini kugigimwala e lokubani makwaisina tanumnumta yagasi siliba, aiyani, tini deli ledi, makwaisina kutagwalasi mapula mi guguwa kala vakaila.

¹³Tuvaila m guguwa kulau Girisi, Tubali, deli Meseki, e baisa kugimloki makwaisina paila m ula deli guguwa eiyoudulokaisi tanumnumta barasi.

¹⁴Yoku m guguwa kugimloki paila wosa nauwotetila deli wosa paila kabilia deli miuli metoya Beti Togama.

¹⁵Tomotela Rodesi igimlomapusi si guguwa deli yoku. Tomota tosisula lumata isakaimsi doga deli gai mapula m guguwa.

¹⁶E mina Siria igimolaisi m guguwa deli goli bidubadu kaiuwala m valu. Matausina leisakaimsi dakuna mwau mipusi yagala emerodi, karekwa kala vau dairarugu, karekwa yaginigini, deli miyasina yakakalaia, katububula kuyouduli metoya vatu deli dakuna mwau mapula yagala rubi ivigakaisi mapula m guguwa.

¹⁷Yuda deli Isireli igimolaisi m guguwa metoya witi, kitorina, olibe bulamila, deli vana ituwoli ituwoli.

¹⁸E mina Damasiko igimolaisi bidubadu kaiuwala m valu, e mapula eisakaimsi waini eikauwaisi metoya Eliboni e sipi unuunula eikauwaisi metoya Saari. Matausina eigimolimapwaisi m guguwa metoya tanumnumta deli vana.

²⁰E mina Dedani igimolimapwaisi m guguwa metoya wosa kasi karekwa yapupoupou.

²¹E Arebia deli tokaraiwogala valu mapilana Kedara igimolimapwaisi m guguwa metoya minasina lam, sipi, deli gota.

²²E mina Siba deli mina Rama togigimwala igimolimapwaisi m guguwa metoya dakuna mwau mipusi, goula, deli vana saina simasiminigaga.

²³E valu mavilousina Erana, Kanea, Ideni deli togigimwala mapilana Siba, deli goli viluwesi Asuri toyo Kilimadi - komwaidona matausina igimlomapusi deli yokomi.

²⁴Matausina eisakaimsi karekwa miyasina yammatabwaila, miyasina kala vau dairarugu, miyasina yaginigini, moi kweginigini, deli goli yuwoyoula migawelu migawelu.

²⁵Mi guguwa ikedidagaisi wa waga makaisina saina kaivakaveka baisa guguwa wogala. “Yoku makawala kaitala waga obolita ikasuwoki guguwa kwemomwau.

²⁶Avai tuta m tokuyuva bitabusiaimsi obolita e bomatu eiuu ikatupilakwaim bidousasaim.

²⁷Komwaidona m guguwa guguwala gimlomapu, komwaidona tokaikokewa deli kam usogelu, m waga kala toyowaga deli m togigimwala, tokabilia komwaidosi wa waga - melalouya wala komwaidosi idoumsi obolita, avai tuta m waga bogwa leivia.

²⁸E tokaikokewa iukuwakulasi obolita kaigasi luluwala imaima okawolawa.

²⁹“Waga kaitala kaitala iligaiwaisi e tokaikokewa komwaidosi ikayalaguvasi okawolawa.

³⁰Komwaidona matausina ivilumgagasi paila wala yoku e iluvalovasi tubumyou iloula opwanetasi deli iuwabugwasi otubwaga.

³¹Matausina iviliuwaisi kulusi paila yoku, e isikamsi si saigala. Matausina ninasi saina mmayuyu tutala iuvalamsi.

³²Matausina iwosaisi mapilana si kaivalam paila yoku, kawasi. ‘Avai valu bipati Taia, Taia baisa tuta bogwa eitamwau obolita?

³³Avai tuta m guguwa bila ituwoli valu, yoku kukwamovi boda ituwoli ituwoli avaka magisi. Gweguya kuvigaki ikobaluluwa si kaisisu metoya m guguwa mapula.

³⁴Baisa tuta bogwa eikatupilakwaim obolita; e yoku bogwa lokusabwabula lokula otukutaku. M guguwa deli komwaidona availa availa eipupaisewasi paila yoku bogwa eitamwausi deli yoku obolita!’

³⁵“Komwaidona availa availa eisipitalaisi kawolawa ibulukukoli paila kam mipuki. Ilagoli si gweguya ibulukukoli wala, e kokola makwaina bogwa eikamituli omigisi.

³⁶Yoku bogwa lokutamwau, e lokutamwauvagasi wala, e togigimwala komwaidona ovalu watanawa ibulukukoli, kasi kokola paila matausina bibodasi mipuki makawala yoku.”