Read Kilivila YOUNA 2 Bible Online

YOUNA 2 - Kilivila bible

YOUNA 2

¹Yena olopola, Youna inigada baisa Guyau la Yaubada. Ikaibiga, kawala,

²“Bogwa alumkoli agu mmayuyu mapaila ladouwaim yoku Guyau, e lokumapu ulo biga. Wa Tuma[4] lasisu adoudou mwada bukupilasaigu, e kaigagu bogwa lokulagi.

³Bogwa kulavaigu otulubwabwau e ala otukutaku yelu itavinaigusi. Kaisai kala kawoula komwaidona odabagu ikatutuwolaigu.

⁴Nanogu adoki bogwa latamwau metoya omatam, deli adokila gala bagisivau m Bwala Kwebumaboma.

⁵Paila sopi bogwa leikubolaigu deli itabodi ulo yagisa. Bolita ikubolaigu deli doudom ikatukwani okulugu.

⁶Bogwa labusi osikowala koya,[5] valu makwaina[6] kala taboda ikatubodivigasi. Mitaga yoku Guyau ulo Yaubada, yoku kukwaimilivauwaigu metoya wa lagi kidamwa bamova.

⁷Tutala alumkoli ulo yagisa ikusokusa, e ulo Guyau anigadaim, e metoya om Bwala Kwebumaboma kunakaigalaigu.

⁸Matausina ititapwarorusi baisa tokolu gala isim dimlesi, e matausina bogwa eiulilavaimsi.

⁹Mitaga yeigu bawosi kam yakaula. Bogwa basakaim kam lula, e bogwa bavagi makawala ulo biga katotila. Katumova leima metoya baisa Guyau.”

¹⁰Mapaila Guyau ikaraiwogi yena, e minana ilagobi Youna e ikasau ila okawolawa.