Read Kilivila KALA BAWA 31 Bible Online

KALA BAWA 31 - Kilivila bible

KALA BAWA 31

²“Bukumipuki mina Midiani paila avaka bogwa leivagaisi baisa mina Isireli. Avai tuta bukuvagi makawala, oluviga yoku bukukwaliga.”

³Mapaila Mosese iluki tomota kawala, “Kukwatubaiasasi paila kabilia, e bukubasisi kabilia deli mina Midiani, e bukumipukwaisi matausina paila avaka bogwa leivagaisi baisa Guyau.

⁴Ibodi dala dilatala dilatala olopola Isireli biwitali tailakatuluwotala tokabilia.”

⁵Mapaila inagaisi tailakatuluwotala tauwau metoya dala dilatala dilatala, e kasi bawa komwaidona iboda 12,000 matausina tobasi okawakali.

⁶Mosese iwitali matausina ilosi ikabiliasi. Peniasi matauna Eleasa tolula latula ikugwai matausina, matauna tokaraiwogala guguwa kwebumaboma deli makwaisina taudoudou.

⁷E makawala Guyau eikaraiwogi Mosese, matausina ivabodaisi valu Midiani, e ikatumataisi komwaidona tauwau,

⁸deli goli Midiani si gweguya kasitailima yagasi Ebi, Rekem, Sura, Ura, deli Reba. Balam matauna Beori latula deli wala ikatumataisi.

⁹E mina Isireli ikatupipaisi vilesi Midiani deli gugwadi, ivayoulisi si bulumakau deli yuwoulela si mauna, ikwayaisi komwaidona si veiguwa,

¹⁰deli igabwaisi si valu deli si kabosikaiwa komwaidona.

¹¹Ivayoulisi komwaidona guguwala, tomotala, deli maunela,

¹²e imiakaisi Mosese sola Eleasa deli goli komwaidona mina Isireli tosibwaiga eisisuaisi osi kabosikaiwa oitayatilela Mowabi katitaikinela Yoridani kibubotala biloula Yeriko.

¹³Mosese, Eleasa, deli goli komwaidosi tokugwala Isireli isunapulasi metoya osi kabosikaiwa, e ilosi ibodaisi tokabilia.

¹⁴Mosese saina igibuluwi kasi tokaraiwaga deli si kumatoula mabudosina eikaimilavausi metoya okakabilia.

¹⁵Mosese ikatupoi matausina kawala, “Avaka paila gala kukwatumataisi vivila?

¹⁶Kululuwaisi minasinala vivila eikabikaulasi Balam la karaiwaga, makawala okwaitala eileiki mapilana Peori minasina ivakadaisi tomota bipakaisi Guyau. Baisa uulela kwaitala lelia mwau leiyomituli Guyau la tomota kasi mwau.

¹⁷Mapaila baisa tuta kukwatumataisi komwaidona gugwadi tauwau deli vivila minasina bogwa eikikapugulasi.

¹⁸Mitaga komwaidona vivila gugwadi deli kapugopugula minasina gala ikikapugulasi gala bukukwatumataisi, kuyosisi baisa mi vavagi.

¹⁹E availa availa yokomi lokukwatumataisi kaina lokukwabikonaisi tomata uwosi, bukusiwaisi wala oyosewala kabosikaiwa biboda kwailima kwaiyu yam. E yam kwaitolula deli yam kwailima kwaiyuwela yokomi bukukwatumigileuwaimi deli goli vivila minasina lokukwatupipaisi.

²⁰Tuvaila ibodi bukukwatumigileuwaisi karekwa yatala yatala, deli avai vavagi eibubulokaisi metoya mauna kanuvinesi, gota unuunusi, kaina avai vavagi eiyoudulokaisi metoya kai.”

²¹E Eleasa matauna tolula iluki tauwau matausina eikaimilavausi metoya okabilia kawala, “Karaiwaga makwaisina Guyau isaiki Mosese.

²²Komwaidona vavagi makwaisina gala ibodi kova bivakasosu, makawala goula, siliba, barasi, deli goli tanumnumta ituwoli ituwoli makwaisina bukukwatumigileuwaisi metoya wa kova. E avai guguwa makwaisina ituwoli bukukwatumigileuwaisi metoya sopila katumigileu.

²³

²⁴E yam kwailima kwaiyuwela yokomi bukuwinaisi kami karekwa, e bogwa bukumigileusi mokwita e bibodi bukusuvisi okabosikaiwa.”

²⁵E Guyau iluki Mosese kawala,

²⁶“Yoku som Eleasa, deli goli matausina tokugwala Isireli, bukukwalauwaisi guguwa komwaidona lokumaiyaisi metoya okabilia, kukwalumgolaisi tokatupipi deli mauna komwaidona.

²⁷Kuvilaisi guguwa makwaisina bila wala guloyu, gulotala paila kabilia, e guloyuwela paila tomota komwaidona.

²⁸E metoya okasi vilavila tokabilia bukukwau taitala wala metoya lakatulima matausina tokatupipi, natana bulumakau metoya lakatulima e makawala goli bukuvigakaisi baisa minasina ase, sipi, deli gota. Baisa bukuvigakaisi mi pokala baisa Guyau.

²⁹Bukusakaisi matausina deli minasina baisa Eleasa tolula baisa bivigaki Guyau kala katukila.

³⁰E metoya okasi vilavila tomota komwaidona bukukwau taitala wala metoya tailuwolima matausina tokatupipi, natana bulumakau metoya buluwolima bulumakau e makawala goli bukuvigakaisi baisa minasina ase, sipi deli gota. Bukusakaisi matausina deli minasina baisa mina Libai matausina iuwotetilasi Guyau ola Buliyoyova.”

³¹E Mosese sola Eleasa ivagaisi avaka Guyau eikaraiwogi matausina.

³²Baisa makawala kala takasa avaka tokabilia leimaiyaisi metoya okabilia deli goli makwaisina leivatulumasi paila titoulesi, kala bawa baisa makawala. 675, 000 sipi deli gota, 72,000 bulumakau, 61,000 ase, 32,000 vivila kapugopugula.

³³

³⁴

³⁵

³⁶E sipi deli gota ivilaisi isakaisi tokabilia 337, 500 kasi vilavila, e metoya minasina ikauwaisi 675 ivigakaisi si pokala baisa Guyau; 36,000 bulumakau, e metoya minasina ikauwaisi naluwolima naluwoyu nayu ivigakaisi si pokala baisa Guyau, 30,500 ase e metoya minasina ikauwaisi naluwolima naluwotala natana ivigakaisi si pokala baisa Guyau; e 16,000 kapugopugula, metoya minasina ikauwaisi naluwotolu nayu ivigakaisi si pokala baisa Guyau.

³⁷

³⁸

³⁹

⁴⁰

⁴¹Mapaila Mosese isaiki Eleasa pokala baisa ivigaki Guyau kala katukila, makawala avaka Guyau eikaraiwogi Mosese bivagi.

⁴²E tomota kasi vilavila bogwa makawala tokabilia kasi vilavila. 337, 500 sipi deli gota, 36,000 bulumakau, 30,500 ase, e 16,000 kapugopugula.

⁴³

⁴⁴

⁴⁵

⁴⁶

⁴⁷Metoya vilavila makwaina Mosese ikau taitala metoya tailuwolima tokatupipi, deli natana metoya naluwolima bulutuvalu, e makawala goli Guyau eikaraiwogi isaiki mina Libai matausina kala towotetila Guyau la Buliyoyova.

⁴⁸Oluvi kumatoula matausina eikugwaiyaisi tokabilia ilokaiasi Mosese

⁴⁹ilukwaisi kawasi, “Tomoya ka, bogwa lakakalawaisi avaka kasi bawa tokabilia e gala taitala isasa matala.

⁵⁰Mapaila avaka taitala taitala lakakauwaisi metoya okabilia bogwa bakamiakaimsi guguwa makwaisina eibubulokaisi goula, mlipwapwa, mituwetuwa, kakalougwa, paya deli kuwekuwa. E makwaisina ma semakaiyaisi baisa Guyau paila eikoli ma momovasi, kidamwa matauna bivigaki kada tokwalasi.”

⁵¹E Mosese sola Eleasa ikauwaisi komwaidona guguwala katubaiasa goulawokuva wala.

⁵²E guguwa makwaisina avaka tokabilia kasi tokugwa eikauwaisi kala mokaila pikekita wala bibudoki luwovasi petala kaula (200 kg).

⁵³E availa availa matausina gala tokugwa mitaga tokabilia wala, iyosasi wala si guguwa avaka leikauwaisi.

⁵⁴Mapaila Mosese sola Eleasa ikauwaisi guguwa makwaisina goulawokuva ilauwaisi Guyau ola Buliyoyova; kidamwa Guyau bikoli mina Isireli.