Read Kilivila KALA BAWA 34 Bible Online

KALA BAWA 34 - Kilivila bible

KALA BAWA 34

¹E Guyau isaiki Mosese

²kasi karaiwaga mina Isireli kawala, “Avai tuta bukusuvisi oviluwela Kenani, mapilana goli bogwa lasakaimi, e kaligeila mi valu bukuvitauwaisi baisa makawala.

³Kaligei makaina opilibolimila bivitouula mapilana Sini Oviloupakala a bisakauloki deli Edom kaligeila. E kaligei makaina bivitouula mapilana Milaveta Pilamata okala vigimkovila makabulona opilibolimila.

⁴E biuwovila bisuwa opilibolimila bila makadana Akarabim Kadaula, e bisaitaula bila mapilana Sini e bitotu wala bila mapilana Kedesi Bania opilibolimila. E biuwovila bisuwa opiliyavata bila Asari Adari, bisuwa bila Asimona.

⁵E metoya baisa biuwovila bisuwa bila oitayatila okaligeila Itipita e bila wala ikayawai Bolita Kwaiveka.

⁶“Bolita Kwaiveka bivigaki kaligeila mapilana opilikwaibwaga.

⁷“E mapilana opiliyavata kaligeila kaiduwosisia wala metoya Bolita Kwaiveka bitotu goli bila wa Koya Ora

⁸e metoya baisa bila Amati Kadaula. E metoya baisa bisaitaula wala bila Sedadi

⁹bisaitaula bila Siporoni e biuvalutu goli bila itobu Asari Enani.

¹⁰“Mapilana opilibomatu kaligeila kaiduwosisia wala, bivitouula Asari Enani bila Sepam.

¹¹E oluvi bisuwa opilibolimila bila Abeli, bivapupali Aini opilibomatu, e bisuwa wa koya bisalili okowolawa Milaveta Galili opilibomatu,

¹²e metoya baisa bisuwa opilibolimila, bisakauloki papala Waya Yoridani bila itobu Milaveta Pilamata. “Baisa makaisina kaivasi kaligeila mi valu.”

¹³Mapaila Mosese iluki mina Isireli kawala, “Ka, mi valu makwaisina e kami vilavila bukuyosasi metoya okowobobuta. Valu makwaisina Guyau bogwa leisakaimi yokomi dilalima dilavasi e deli goli yuwotala dalela Manasa.

¹⁴E matausinaga Rubeni dalela toyo Gada dalela deli goli mayuwona Manasa dalela opilibomatu, bogwa kavilaisi e leiyosasi kasi vilavila mapilana Yoridani opilibomatu piliyuwela Yeriko makawala avaka leibudoki kasi bawa litusia.”

¹⁶E Guyau iluki Mosese kawala,

¹⁷“Ka, Eleasa tolula deli Yosuwa matauna Nuni latula matausina bivilaisi tomota si valu.

¹⁸E tuvaila kunagi tokugwa taitala taitala metoya dala dilatala dilatala bipilasaisi matausina deli bivilaisi.”

¹⁹Baisa makawala tauwau matausina Guyau bogwa leinagi. [Dala] — [Tokugwa][23] Yuda — Keleba Simioni — Selumieli Beniamina — Elidadi Dani — Buki Manasa — Anieli Epereim — Kemueli Sebuloni — Elisapani Isaka — Palitieli Asera — Aiuda Napitalai — Pedaeli.

²⁹Baisa makawala kasi bawa tauwau matausina Guyau bogwa leinagi paila bivilaisi si valu mina Isireli olumoulela Kenani.