Read Kilivila NEUM 3 Bible Online

NEUM 3 - Kilivila bible

NEUM 3

¹Mina Niniba bidoumlabasi! Mavilouna viluwela sopa deli katumata. Igau bikodidaimisi mavilouna, e veiguwala komwaidona bikwayaisi.

²Ka, kulagaisi! Butula lewa eitabulubuluva, wiri eikadirakia, wosa butula kaikesi, e waga kaibibiu eisilumgolasi!

³Wosa kala tosila isuyaisi kulusi, itataisi opuluta, eiseisuyasi okaiyala. Tokaliga sobilawa sobilama, e tomata gala bitakalau. Ka, tokwabilia iuvabeibeusi wala otupwasi tomata.

⁴Niniba saina viloukalimwala, mavilouna saina viloumanabwaita, kala matabwaila kabosilagi! Mavilouna eitavili ninasi boda ituwoli ituwoli, e ivigaki matausina makawala ula.

⁵E Guyau Topeuligaga ilivala kawala, “Niniba! Yeigu bamipukwaim. Yeigu bakisi kam kwakapula e bukukimwadu, e batugwali boda ituwoli ituwoli bigisaimsi, e yoku bukummosila sainela omitasi goli.

⁶Yeigu bavigakaim gala bisim kam kwamaiaba deli bakubolaim metoya wawa saina pupagatu. Tomota komwaidona bigisaimsi bikayuwaimsi.

⁷Availa availa bigisaimsi bitagiyumitasi. Matausina bilivalasi kawasi, ‘Niniba kwedadaimi wala eitotu. Availa ibodi binokapisi minana? Availa magila biyebwaili nanola minana?’”

⁸Yoku Niniba, ki kudoki yoku saina kubwainigaga e kukwalisau Tebesi makwaina Itipita la vilouveka ke? Ka, ovalu makwaina isisu kaduyotala waya makawala baisa yoku e ivigaki makawala kala kali paila bikoli makwaina - ka, Waya Naili baisa kala kabokwala.

⁹Omitibogwa mavilouna ikikaraiwogi Sudani deli Itipita, e gala isim kala kalitutila la peula. Tuvaila mavilouna Libia ivigaki viloukalola, e la karaiwaga saina peuligaga sainela.

¹⁰Mitaga oluvi tilaula iyosisi mina Tebesi e ilauwaisi okatupipi. Okatugulugwelu kwaitala kwaitala kasi tilaula iwawaiyasi ikatumataisi litusia. E matausina tommoyesi valu isikolaisi yuwoyoula tanumnumta ilauwaisi, e tilaula isigalaisi matausina oluwalaisi.

¹¹Wo! Niniba yoku tuvaila bukumata makawala taitala tomomom sopi kaipeula. Yoku tuvaila mwada bukusakaula metoya kam tilaula.

¹²Ka, komwaidona kalim kwaipapeula makawala seuseu bivalikilaki. Avai tuta tomota bivaikwaisi e oudosi biuyeiyasi.

¹³E m tokabilia ivigaki makawala nunumoya, deli viluwem gala isim kala tokwala; itomakavasi wala omitasi kam tilaula, e kova bivakadidaimi kalapisilem makwaisina tanumnumta.

¹⁴Kukwatubaiasa, paila kam tilaula bisiulaimsi bisipataimsi mwada bukumama. Kukelisasaisi la keda sopi bitaina bitapatu deli kukwatukikiti bipeula makwaisina kalim kwepapeula! Kukwatubiasi pwaipwaia mlomwaluva paila bukugabu bimila dakunasi, e kukwatubiasi kaigabula mlomwaluva!

¹⁵Kaina goli avaka bukuvagi, mitaga bogwa wala eimati kova bivakamataim kaina bikatumataimsi okabilia. E bikatudoumwaimsi makawala bagula bogwa leikomsauwaisi nipawa! Yokomi bogwa kuunigeyaisi e kami bawa makawala nipawa!

¹⁶E lokukwatumkulovaisi mi togigimwala saina bidugaga kasi bawa ikalisauwaisi utuyam kasi bawa! Mitaga baisa tuta komwaidosi wala bogwa leibutusi makawala nipawa eikatupapapasi pinupanesi e leiyowasi leilosi.

¹⁷Komwaidona kaidadala valu omi valu makawala yuwotala nipawa bitotusi otapwala bwala wa yam makwaina saina tula. Mitaga avai tuta kalasia biyuwola minasina biyowasi, e gala wala availa inikoli ambaisa leiyowasi leilosi!

¹⁸Yoku guyoula Asiria, ka, m tokwaraiwaga bogwa eikaligasi, e m tommoya bogwa eimisitoutaulasi! E m tomota komwaidona eiuwaki wala neuya wa koya makwaisina e gala wala availa bikaimilivau matausina bimai om valu.

¹⁹Gala avai kaituva ibodi bitatuvaki kam kwalibwaga bibwaina, deli kam pwasa gala gagabila bibwainasi. Availa availa matausina bilagaisi bulogala m silagi bikatupatusi yumasi deli si mwasawa. Ki, availaga eisakauligilaim gala ilumkoli m vakatutuki?