Read Kilivila MADIU 17 Bible Online

MADIU 17 - Kilivila bible

MADIU 17

¹Igau kwailima kwaitala yam bogwa leiwokuva, Yesu ivakouli Pita toyo Yemesa deli bodala Yoni e imwenasi wa koya kwaiveka kasimwaleta isisuaisi.

²E wowola idavila omitasi; migila iguyugwayu makawala kalasia, e kala kwama ivapupwakau makawala lumalama.

³E ka, toligalega igisaisi Mosese sola Ilaitia, deli Yesu ibigatonasi.

⁴Pita ikawota iluki Yesu, kawala, “Tomoya, saina bwaina yakamaisi kasisuaisi baisa; kidamwa nanom makawala, bakaliai baisa kwaitolu buliyoyova, kwaitala paila yoku, kwaitala paila Mosese, kwaitala paila Ilaitia.”

⁵Ililivala, e ka, lowalowa guyugwayu ikuboli matausina; deli kaigila metoya olowalowa ikaibiga, kawala, “Baisa Latugu Tombwailigu, saina iyomwasalaigu; kulagaisi matauna.”

⁶Tutala toligalega ilagaisi makwaina, ikavaginasi ikokolasi sainela.

⁷Mitaga Yesu ima ikabikoni matausina, ikaibiga, kawala, “Kutokaiasi, taga bukukokolasi.”

⁸E imitavilasi, mitaga gala igisaisi availa mitaga Yesu kalamwaleta.

⁹Ibubusisi metoya wa koya, e Yesu ikaraiwogi matausina, ikaibiga, kawala, “Taga bukulivalaisi vavagi makwaina kilisala avaka bogwa kugisaisi baisa availa, mitaga igau avai tuta yeigu Latula Tomota batokaia bamovavau.”

¹⁰E la toligalega ikatupoiyaisi matauna, kawasi, “Avaka paila toninitalapula ikaibigasi kidamwa bibodi ikugwa bima Ilaitia?”[187]

¹¹Ivitakauloki, kawala, “Mokwita Ilaitia bima bikatubiasi vavagi komwaidona;

¹²mitaga alukwaimi, bogwa leima Ilaitia, e gala ivitusaisi matauna, mitaga ivigakaisi matauna avaka magisi. Makawala goli biyogagaigusi yeigu Latula Tomota.”

¹³Matutowena toligalega ikatetasi Yesu ililivala baisa matausina paila Yoni Tobapitaisi.

¹⁴E bogwa imakaiasi tobobawa, taitala tau imakaia matauna, ikavagina omatala, ikaibiga,

¹⁵kawala, “Tomoya kunokapisi latugu, paila matauna tobulomata e saina iyogagi matauna; paila sivabidubadu ikikapusi wa kova kaina obolita.

¹⁶E lamai matauna baisa m toligalega, mitaga gala ipeulasi bikatuyuvisaisi matauna.”

¹⁷Yesu ivitakauloki, kawala, “Ki, yokomi gala kudubumaigusi? Mina sula yokomi! Ammakawala woloula basikailimi? Ammakawala woloula bapeuloki baisa yokomi? Kumiakaigusi magudina.”

¹⁸E Yesu ibuyoyu baloma gaga[188] isilavi magudina, e gwadi ibwaina metoya wa tuta matutowena.

¹⁹Oluvi toligalega kasimwaleta imakaiasi Yesu, ikaibigasi, kawasi, “Avaka paila yakamaisi gala gagabila bakayabaisi baloma gaga?”

²⁰E Yesu iluki matausina, kawala, “Paila uula mi dubumi kala kwekekita.[189] Kululuwaisi baisa, kidamwa mi dubumi kala kwaiveka makawala waitunela mwaiya, gagabila bukulukwaisi koya makwaina, kawami, ‘Kukwatupela kula mapilana ewaiwa’ — e, bila goli. E vavagi komwaidona bigagabila baisa yokomi.??[190]

²²Tutala isigugulasi Galili, Yesu iluki matausina, kawala, “Makateki bikasalaigusi yeigu Latula Tomota oyumasi tomota,

²³bikatumataigusi e yam kwaitolula batokaia bamovavau goli.” E toligalega saina ikiuta ninasi.

²⁴Bogwa iviloubusisi Kapaneum,[191] matausina tokougugula pokala paila Bwala Kwebumaboma imakaiasi Pita, ikatupoiyaisi, kawasi, “Mi tovituloki bisaiki pokala paila Bwala Kwebumaboma[192] ke?”

²⁵E Pita ivitakaula, kawala, “Taga.” E tutala Pita isuvi wa bwala, Yesu ilivilabogwa baisa matauna, kawala, “Mwa, Saimoni, avaka kudoki? Ammetoya watanawa guyousi bibanaisi kasi pokala? Metoya baisa tolivalu kaina metoya baisa togilagala?”[193]

²⁶Pita ikaibiga, kawala, “Metoya baisa togilagala.” E Yesu iluki matauna, kawala, “Mapaila tolivalu bisibwabwailasi.

²⁷Mitaga taga bitavakapusiaisi matausina. Kula obolita[194] kubani, e amminana kubibogwi, kukwau. Bukukipugegi wodola e bukubani mani avaka bibodaida kadataiyu; makwaina kukwau e kusaiki matausina da pokala.”