Read Kilivila MADIU 22 Bible Online

MADIU 22 - Kilivila bible

MADIU 22

¹Yesu ilivala tuvaila bigavisaiki baisa matausina, ikaibiga,

²kawala, “Labuma Karaiwogala makawala taitala guyau ivagi veivai pakala paila latula,

³e iwitali la touwata bikaikivisi matausina bogwa leidoubogwi bimaisi wa paka; mitaga ipakaisi.

⁴Tuvaila mimilisi touwata iwitali, ikaibiga, kawala, ‘Kulukwaisi matausina ladoubogwi, Ka bogwa akatubiasi paila kamkwam; ulo bulumakau nakakaitubwa toyo napusoposa iyalaisi; vavagi komwaidona bogwa ikatubiasaisi. Bukumaisi oveivai pakala.’

⁵Mitaga ikatukubonasi wala, ilosi ambaisa ambaisa, taitala ila ola bagula, taiyuwela ila ola kabogimwala.

⁶E mimilisi tuvaila iyosisi la touwata, iyogagaisi e ikatumataisi matausina.

⁷Guyau igibuluwa; e iwitali la tokwabilia ikatumataisi matausina tokwatumata, deli goli igabwaisi si valu.

⁸E iluki la towotetila, kawala, ‘Veivai pakala bogwa lakatubiasi mitaga matausina ladou gala ibodi bimaisi.

⁹Mapaila kulosi okadaula e taivila bukubanaisi kuvakoulaisi wa paka.’

¹⁰E matausina towotetila ilokaiasi okadaula, e ivakoulaisi komwaidosi taivila ibanaisi, tomitugaga toyo tomitukwaibwaila, e la bwala ikasewoki matausina leivakoulisi.

¹¹“Mitaga tutala guyau isuvi mwada bigisi kala tokwam paka, igisi taitala gala isikam kwamala veivai.

¹²Iluki matauna, kawala, ‘Sogu, ammakawala bogwa lokusuvi taga gala kusikam kwamala veivai?’ E itakala nanola.

¹³E guyau iluki towotetila matausina, kawala, ‘Kuyuwolaisi yamala kaikela, e kulavaisi biwa okoukweda odudubila; baisa biuvalam bipulummosila sainela.’

¹⁴“Paila Yaubada idou bidubadu mitaga mimilisi wala inagi.”

¹⁵Wa tuta matutowena Parisi ilosi ikikeiwalasi ammakawasi bisikolaisi matauna metoya wa biga.

¹⁶E iwitalaisi si toligalega baisa matauna deli matausina metoya Erodi ola boda,[220] ikaibigasi, kawasi, “Tovituloki, kanikolaisi tokamokwita yoku, kuuvituloki kala mokwita la keda Yaubada, e makawala wala nanom baisa tomota komwaidosi, paila tomota kasi gigisa gala kuuvatusi.

¹⁷Mapaila kulukwaimasi avaka kudoki. Ibodi da Karaiwagasi[221] bitapokalasi baisa Sisa kaina gala?”

¹⁸Mitaga Yesu inikoli si nanamsa gaga, mauula ikaibiga, kawala, “Avaka paila bukuwakolaigusi? Mina katudewa gaga yokomi.

¹⁹Kuvitulokaigusi bagisi manila pokala.” Imiakaisi matauna kwaitala mani,[222]

²⁰e ikatupoi matausina, kawala, “Availa kaikobula deli yagala isisu baisa?”

²¹Ikaibigasi, kawasi, “Sisa.” Mapaila Yesu iluki matausina, kawala, “E bukusakaisi Sisa avaka la vavagi Sisa; deli bukusakaisi Yaubada avaka la vavagi Yaubada.”

²²Bogwa ilagaisi makwaina, itutu uwosi; e isilavaisi matauna ilosi.

²³E mayamna wala Sadusi[223] imakaiasi matauna. Matausina si vituloki kidamwa tomata gala bitokaiasi bimovavausi.

²⁴Ikatupoiyaisi matauna, kawasi, “Tovituloki, Mosese leikaibiga kidamwa taitala tau bikaliga gala pesila, ibodi bodala bivaiya kubuyala, kidamwa bisim pesila tuwala.

²⁵Taitala deli yakamaisi isisu deli budala tailima taitala; e matauna kuluta ivai oluvi ikaliga gala pesila. Oluvi matauna isakaili ivaiya minana.

²⁶Oluvi mtona ikaliga makawala wala, e moluluwala makawala, e tailima taiyu makawala goli mitaga gala pesisi.

²⁷Kala vigimkovila minawena vivila ikaliga.

²⁸Mapaila igau tutala tomata bitokaiasi bimovavausi matausina tailima taiyu avai tau minana la kwava? Paila komwaidosi bogwa ivaiyasi minana.”

²⁹Mitaga Yesu ivitakauloki matausina, kawala, “Kusulasi paila gala kunikolaisi Buki Pilabumaboma,[224] deli avaka la peula Yaubada.

³⁰Paila tutala tomata bitokaiasi bimovavausi, matausina gala biveivaisi; mitaga bisisuaisi makawala anelosi wa labuma.

³¹Mitaga paila tomata si tokaia, ammakawala? Ki, gala sitana kukwalawasi avaka Yaubada ilivala baisa yokomi, ikaibiga, kawala,

³²‘Yeigu Eberaam la Yaubada, Aisake la Yaubada, Yekobe la Yaubada’? Metoya baisa bitagisi matauna si Yaubada tommomova; kidamwa Yaubada la tomota bikaligasi baisa ovalu watanawa, isisuaisi tommomova omatala Yaubada.”

³³E tutala tobobawa ilagaisi makwaina itutu uwosi paila la vituloki.

³⁴Mitaga Parisi[225] ilagaisi Yesu ikatupatu udosi matausina Sadusi, e isigugulasi.

³⁵E taitala matausina, tokabitam paila Mosese la Karaiwaga, mwada biwakoli, ikatupoi matauna,

³⁶kawala, “Tovituloki, avai karaiwaga ola Karaiwaga Mosese isiligaga?”

³⁷Yesu iluki matauna, kawala, “‘Bukuyebwaili Guyau m Yaubada metoya olopom komwaidona, deli om baloma komwaidona, deli onanom komwaidona.’[226]

³⁸Karaiwaga makwaina isiligaga e ikugwai.

³⁹Isisu kwaiyuwela makawala makwaina, ‘Bukuyebwaili som makawala kuyebwailim titoulem.’

⁴⁰Komwaidona Mosese la Karaiwaga deli si uvituloki tovitoubobuta[227] eisagasi metoyasi baisa makwaisina karaiwaga kwaiyu.”

⁴¹Tutala mimilisi Parisi isigugulasi, Yesu ikatupoi matausina, kawala,

⁴²“Avaka kudokaisi paila Mesaia? Mesaia[228] availa dalela?” Ilukwaisi matauna, kawasi, “Debida dalela.”

⁴³E ikatupoi matausina, kawala, “Ammakawala Baloma Tobumaboma iviyelu nanola Debida e idoki matauna Guyau? Paila ikaibiga, kawala,

⁴⁴‘Matauna Guyau iluki ulo Guyau, Kusili ogu kwakata,[229] tatoula wala bavigakaim bukukwalisau[230] kam tilaula.’

⁴⁵Kidamwa giyoubogwa Debida idoki Mesaia matauna Guyau, ammakawalaga Mesaia bitadoki dalela Debida?”

⁴⁶E gala igagabila taitala bimapu matauna kwaitala biga; e metoya wa yam makwaina komwaidosi ikukolaisi bikatupoiyaisi matauna avai katupoi tuvaila.